Ciidamada Israel oo weeraray Nablus, Beytlaxam iyo magaalooyinka kale ee daanta galbeed

Ciidamada Israa’iil ayaa dhowr qof oo falastiiniyiin ah ku xiray howlgalo ay ka fuliyeen guud ahaan Daanta Galbeed ee la haysto xalay , sida Nablus, Bethlehem, Jenin iyo Yatta, oo ku yaalla koonfurta Hebron.

Ciidamada Israel ayaa sidoo kale weeraray magaalada Husan ee Beytlaxam iyo tuulada Madama ee koonfurta Nablus.

Ugu yaraan 8,680 Falastiiniyiin ah ayaa lagu xidhay Daanta Galbeed ee la haysto iyo Bariga Quddus tan iyo 7-dii Oktoobar, sida ay sheegeen Guddiga Maxaabiista iyo Ururka Maxaabiista Falastiiniyiinta.

Waxaa jira 9,300 maxbuus siyaasadeed oo lagu hayo xabsiyada Israel iyo 3,424 maxbuus maamul (lagu hayo dacwad la’aan ama maxkamadayn), marka loo eego qiyaasaha Ururka Taageerada Maxaabiista ee Addameer iyo Ururka Xuquuqul Insaanka ee fadhigiisu yahay Ramallah.