Taliyaha ciidanka Booliska oo kulan la yeeshay taliyaha howlgallada mareykanka iyo saraakiil kale

Taliyaha Ciidanka Boliiska Soomaaliyeed, Sarreeye Guuto Asad Cismaan Cabdullaahi ayaa maanta xafiiskiisa ku qaabilay Taliyaha howlgalada gaarka ah Mareykanka Colonel David Haskell iyo saraakiil kale oo la socatay.

Labada dhinac ayaa ka wada-hadlay arrimo ay ka mid yihiin tababarka ciidanka boliiska Soomaaliyeed , la dagaalanka kooxda Al- Shabaab iyo arrimo kale oo dhawr ah.

Taliyaha howlgallada gaarka ah ee mareykanka ayaa dhankiisa waxa uu balanqaaday in ay kaalin muhiim ah oo wax ku ool ah ka qaadan  doonaan taageerida ciidanka booliska & xasilinta amniga guud ahaan dalka.