Isimida Puntland oo War Kasoo Saaray Muranka Doorashooyinka
Qaar ka mid ah Isimada Puntland ayaa baaq kasoo saaray khilaafka ka taagan doorashooyinka federalka Soomaaliya, taas dib uga dhacay waqtigii loo asteeyey in ay ka qabsoonto maamullada laguna soo doorto Baarlamaanka 11-aad.
Boqor Burhaan Boqor Muuse oo kulanka kadib la hadlay warbaahinta waxaa uu xusay in madaxda maamullada Puntland iyo Jubbaland ay kala hadleen sidii xal loogu heli lahaa muranka ka taagaan arrimaha doorashooyinka.
Waxaana uu intaas uu ku daray in labada madaxweyne ay Isimada ka aqbaleen in laga wada hadlo khilaafaadka jira ee ka dhashay qaabka ay xukuumaddu u wajahayso.
“Waxaa nasiib wanaag ah inaan labada madaxweyne aan si gaar ah ugala hadalanay, waxaa ay ballan qaadeen in ay diyaar u yihiin sidii ay wax u qabsoomi lahaayeen, wixii madmadow ah ee jirana sidii meesha looga saari lahaa, ra’iisalwasaaha laftirkiisa teleefan ayaan iskula hadalnay,” ayuu yiri boqor Burhaan Boqor Muuse.
Boqrka Burhaan oo hadalkiisa siiwato ayaa baaq u diray madaxda maamullada iyo kuwa dowladda waxaana uu yiri “Runtii waxaan leeyahayMas’uuliyiinta Soomaalida hadii ay yihiin dowlad goboleedyada madaxweynayaashooda ama haddii ay dowladda federaalka tahay madaxweynaha iyo ra’iisalwasaaraha dhammaantiin mas’uuliyad ayaa idin saaran, inta idin saaranna waad u dhaarateen illaahey kitaabkisa ayaad ugu dhaarateen inaad umaddaas maslaxadooda aad ka shaqeynaysaan Illahey waa idin waydiinayaa, umaddaas aad u shaqenaysaan allah hortii”
Dhanka kale Boqor Burhaan ayaa sheegay inuu sidoo kale la kulmay madaxweyne Farmaajo waxaana uu yiri xili uu arrintaas ka hadlayey” Waxaan soo arkay madaxweynaha dowladda federalka Maxamed Cabdillaahi Farmaajo Muqdisho ayaan ku kulanay, waxaan kawada hadalanay wadankaan iyo sidii uu horay ugu socon lahaa, waxaana uu ballan qaaday inuu diyaar u yahay sidii ay doorashadu u qabsoomi laheyd oo waddankuna horay ugu socon lahaa”
Ugu dambeyn Boqor Burhaan ayaa waxaa uu diray baaq dhamman ista ay quseyso doorasha waxaana uuri” Sida ugu dhaqsiyaha badan uguna wanaagsan oo doorasho ku qabsoomi karto inaad ku qabataan doorashada, Beesha caalaka oo marweliba nala garabtaagan sidii Soomaali ay arrimahooda ay u fududeyn laheyd waxaan leeyahay inta beesha caalamka aysan idin soo farogashan farqigi idiin dhexeeya dhameystira”.
Goobjoog News