Koonfur Galbeed: Habraaca Doorashada Lix Kursi Oo La Shaaciyay

Febraayo 28, 2022

Guddiga hirgelinta doorashooyinka SEIT ee Koonfur galbeed ayaa shaaciyay jadwalka iyo habraaca doorashada Lix kursi oo kamid ah kuraasta deegaan doorashadoodu ay tahay magaalada Baydhabo.

Kuraasta la shaaciyay ayaa kala ah HOP#275, HOP#230, HOP#183 ,HOP#178, HOP#050 iyo HOP#253, kuwaas oo la sheegay in la dooranayo 3 bisha maarso.

Qoraal ka soo baxay guddiga ayaa lagu cadeeyay habraaca loo marayo doorashada kuraastaan oo ay soo bandhigeen guddiga hirgelinta doorashooyinka SEIT ee Koonfur galbeed.

Waxaa dadka reer koonfur galbeed kuraastaan ku matalayay baaralamaankii 10-aad xildhibaanada kala ah:-

HOP#050: Waxaa ku fadhiyay xildhibaan Cabdiwahab Ugaas Xuseen Ugaas Khaliif

HOP#178: Waxaa ku fadhiyay xildhibaan Xasan Cali Maxamed (Amar Dambe).

HOP#183: Waxaa ku fadhiyay xildhibaan Sandheere Maxamed Iftin.

HOP#230: Waxaa ku fadhiyay xildhibaan Prof Cabdiraxmaan Aadan Ibraahim (Ibbi).

HOP#253: Waxaa ku fadhiyay xildhibaan Samiira Ibraahim Cumar

HOP#275: Waxaa ku fadhiyay xildhibaan Sheekh Shaakir Sheekh Maxamed Xasan.