Kulamada Lagu Raadinayo Xilka Ra’iisulwasaaraha Dalka Oo Meel Adag Maraya

Muqdisho waxa ka soconaya kulamo  gooni gooni ah oo  loogu xusul duubayo Xilka Ra’iisulwasaaraha Soomaaliya markii meesha uu ka baxay Ra’iisulwasarihii hore Xasan Cali Khayre.

Kulamadan  ayaa ah  kuwo xiligan meel adag oo xasaasi ah maraya waxana Hotelada iyo guryaha ay degan yihiin siyaasiintu si is-daba jooga ah uga dhacaya shirarka looga hadlayo xilka Ra’iisulwasaarnimo.

Madaxweynaha Galmudug Axmed Cabdi Kaariye Qoor-Qoor  oo maalmo ka hor soo gaaray magaaalada Muqdisho , Madaxweynaha Hirshabeelle Maxamed Cabdi Waare Duqa Muqdisho Cumar Filish ayaa ka mid ah madaxda kulamada qaarkood ka socda Muqdisho kaalin wayn ku leh.

Xalay Magaalada Muqdisho waxa ka dhacay kulan Duqa Muqdisho  uu la qaatay , beelaha dega gobolka Banaadir  si ay isugu raacaan shaqsi ay isku raacsan yihiin , waxa sidoo kale isla Muqdisho  ka qabsoomay kulan kale oo Madaxwaynaha Galmudug uu la qaatay siyaasiinta Galmudug kaas oo looga  hadlayay xilka Ra’iisulwasaarnimo oo loolanka loogu jiro aad u adag.

Si kastaba kulamadan ayaa la ogayn  ilaa iyo hadda natiijada ka soo bixi doona kulamada ka socda magaalada Muqdisho ee lagu doonayo xilka Ra’iisulwasaaraha Soomaaliya

Goobjoog News

Related Articles

One Comment

Leave a Reply

Your email address will not be published. Required fields are marked *

Close
Goobjoog

FREE
VIEW