Murashaxiinta Guddoonka Hirshabeelle oo La Guddoonsiiyey Shahaadada
Guddiga doorashada guddoonka Baarlamaanka 2aad ee maamulka goboleedka Hirrshabeelle ayaa goordhow shahaadooyinka aqoonsiga murashaxa guddoonsiiyey musharaxiinta ku tartamayo qabashada xilka guddoomiyaha Baarlamaanka iyo labadiisa ku-xigeen ee maamulkaasi.
Qabashada xilka guddoomiyaha ayaa waxaa u taagan murashaxiinta kala ah Murashax Cabdixakiin Luqmaan Xaaji Maxamed iyo Murashax Maxamuud Maxamed Goodir, waxaana ay ku tartami doonaan codadka 90-ka xildhibaan ee golaha wakiillada Hirshabeelle, kii guuleysta ayaana noqon doona guddoomiyaha.
Sidoo kale guddiga ayaa waxaa ay shahaada aqoonsiga ay siiyeen Murashaxiinta u taagan qabasha ku-xigeenka 1-aad ee Baarlmaanka iyadoo ay ku tartamayaan Murashax Saadaq Salaad Warsame iyo Murashax Siraaji Sheekh Isaaq, iyagoo ku hardamayo codadka xildhibaannada.
Dhanka kale waxaa ku xigeenka 2-aad shahaadada aqoonsiga ay guddiga doorashada ay u siiyeen murashaxiinta kala ah Murashax Mahad Xasan Cismaan iyo murashax Marwo Canab Axmed Ciise oo ku tarmaysa ku –xeenka ee golaha wakiillada Baarlmaanka 2-aad maamulka goboleedka Hirshabeelle.
Xildhabaannada ayaa maalinta barrito ah waxaa ay dhageysan doonaan khudbooyinka murashaxiinta iyadoo maalinta arbacada ah oo taariikhdu tahay 4 bisha la qaban doono doorashada guddoonka Baarlamaanka iyo labadiisa ku –xigeen sida ku cad jadwalkii uu soo saaray guddiga.
Xilka Guddoomiyaha
Ku-xigeenka 1-aad.
Ku-xigeenka 2-aad
Goobjoog News