Wararka Caalamka

Dhaxal-sugaha boqortooyada Sacuudi Carabiya Maxamed bin Salmaan ayaa sheegay in dalkiisu uusan xiriir la sameyn doonin Israa’iil ilaa la dhisayo dowlad Falastiiniyiintu ay leeyihiin, taasoo dhabarjab ku ah dadaalka Mareykanka uu ku doonayo inuu labada dhinac heshiis caadi ah ugu sameeyo

Ciidamada Suudaan iyo kuwa RSF-ta ayaa sheegay inay diyaar xal nabadeed oo laga gaaro dagaalka dalkaas socday in ka badan 17 bilood, iyaga oo ka jawaabaya baaqii madaxweynaha Mareykanka Joe Biden uu ugu baaqay dhinacyada dagaallamaya in ay wada-hadallo nabadeed oggolaadaan.

Xogo iyo Faahfaahinno isi soo taraya ayaa ka soo baxaya qaabka uu u dhacay weerar dhinaca isgaarsiinta ah oo maamulka Israa’iil uu la beegsaday xubno ka tirsan ururka Xisbullaahi ee dalka Lubnaan.

Dowladaha Hindiya iyo Iiraan ayaa is dhaafsaday dhaleecaynno iyo dhaliilo diblumaasiyadeed oo ku saabsan xaaladda dadka muslimiinta ee ku nool Qasa, Myanmar, iyo Hindiya, kuwaas oo la kulma xadgudubyo iyo cadaadis takoor diimeed la xariira.

Waxaa korortay tirada dadka ku dhintay fatahaado ku dhufatay bartamaha Yurub dabayaaqadii todobaadkii ina dhaafay, iyada oo khasaaraha ugu badan uu ka dhacay dalalka Czech Republic, Poland iyo Austria.

Shiinaha ayaa sii daayay David Lin, oo ah baadari u dhashay Mareykanka, kaasoo xabsiga ku jiray tan iyo 2006, sida ay sheegtay wasaaradda arrimaha dibadda Mareykanku.

Madaxweynihii hore ee Mareykanka Donald Trump ayaa ka badbaaday iskuday dil xilli uu ku sugnaa goob lagu magacaabo Trump International Golf Club oo ku taal West Palm Beach, Florida.

Ciidanka Israa’iil ayaa xaqiijiyay in gantaal laga soo riday dalka Yaman uu ka dhacay gudaha ismaamulka Yuhuudda, ayagoo intaa ku daray in uu meel aan la deganayn, waxyeellona aanay ka dhalan.

Dawladda Maraykanka ayaa ku dhawaaqday wareeg cusub oo cunaqabatayn ah, taas oo lagu beegsanayo shirkad Pakistani ah iyo dhowr hay’adood iyo hal qof oo Shiineys, kuwaas oo ku lug leh qalabka iyo teknoolajiyada loo adeegsado horumarinta gantaallada ballistic-ga ee Pakistan.

Dowladda Iran ayaa hawada sare u dirtay dayax gacmeed cusub oo cilmi baaris ah, kaas oo ku duulaya wareeg jawiyeedka orbit-ka, warbaahinta dowladda ayaana sheegtay in tallaabadani ay tahay mid lagu hormarinayo barnaamijkeeda hawada, ayadoo aan dheg jalaq u siinayn dhaleeceynta iyo diidmada dalalka reer galbeedka.