Wararka Caalamka

Xilli Mareykanku uu dhowaan shaaciyay inuu dalka Jarmalka kala baxayo hubkiisa culus iyo ciidamada ka jooga, ayaa Faransiisku wuxuu sheegay inuu diyaar u yahay buuxinta kaalintaas ay bannaysay Washington.

Warbaahinta Israa’iil oo soo xiganaysa ilo-wareedyo dhinaca ammaanka ah ayaa sheegtay in hay’adaha ammaanku ay isku diyaarinayaan sidii ay u qaabili lahaayeen shaqaale ka socda Suuriya oo ka shaqayn doona dhismaha iyo beeraha dhulka ku teedsan buuraleyda Golan ka dib codsi uga yimi golaha deegaanka.

Qarax xooggan ayaa subaxnimadii Isniinta maanta ah laga maqlay agagaarka Qunsuliyadda Ruushka ee magaalada Marseille ee dalka Faransiiska, sida ay ku warrantay warbaahinta gudaha Faransiisku.

Madaxweyne Emmanuel Macron ayaa fal argagixiso oo Islaamiyiini ay ka dambeeyaan ku tilmaamay weerar toorey loo adeegsaday lagu qaaday askar boolis ah oo ku sugnaa magaalada Mulhouse ee bariga dalkaasi.

Xiisada u dhaxeysa madaxweynaha Kenya William Ruto iyo dowladda Suudaan ee uu hogaamiyo Jeneraal Abdel Fattah al-Burhaan ayaa cirka isku sii shareeraysa, waxayna labada dal saacidihii la soo dhaafay hawada isku mariyeen eedeymo culus.

Donald Trump ayaa sheegay in madaxweynaha Ukraine aysan muhiim ahayn inuu ka qeyb-galo wada-hadallada iyo dadaallada uu wado Mareykanku ee ku saabsan dagaalka muddada dheer socday ee u dhexeeya Ruushka iyo Ukraine

Xiriirka Sudan iyo Kenya ayaa sii xumaanaya ka dib markii Khartoum ay ku eedeysay Nairobi inay taageerto maleeshiyaadka mucaaradka ee RSF, waxayna dowladda Suudaan markii dowladda Suudaan cambaareysay shirar is daba joog ah oo dhowaan ka dhacay magaalada Nairobi, kuwaas oo la sheegay in loo arrinsanayay dhismaha dowlad loo samaynayo dhulka ay gacanta ku hayso fallaagada RSF.

Israa’iil ayaa la wareegtay  meydadka afar qof oo kamid ahaa dadkii ay Xamaas ku soo qafaalatay howgalkii 7-da Oktoobar, islamarkaana laga hayay marinka Qasa.

Madaxweynaha dalka Mareykanka Donald Trump ayaa dhiggiisa Ukraine Vladimir Zelenskiy ku tilmaamay keligii-taliye doorasho la’aan isaga jooga, wuxuuna intaas ku daray inay lagama maarmaan tahay doorasho degdeg ah oo dalkaas ka dhacdaahi.

Dowladda Sudan ayaa Kenya ku cambaareysay marti gelinta kooxda fallaagada ah ee RSF, ayadoo magaalada Nairobi lagu qabtay munaasabad ay qeyb-galeen xubno ka tirsan kooxdaasi.