RW Cabdiweli oo haweenka Soomaaliyeed ugu baaqay inay ka qayb qaatan dhismaha dalka

Ra’iisal wasaaraha Soomaaliya, Cabdiwali Sheekh Axmed ayaa ka qayb galay kulan ay soo qaban qaabisay wasaaradda haweenka iyo xuquuqda aadanaha ee xukuumadda federaalka, kaasoo looga hadlayey kaalinta haweenka ee nabadda iyo horumarka dalka oo maanta lagu qabtay magaalada Muqdisho.

Kulanka ayaa waxaa sidoo kale kasoo qeyb galay mas’uuliyiin ka tirsan dowladda iyo ururrada haweenka.

Wasiiradda haweenka iyo xuquuqul insaanka marwo Khadiijo Maxamed Diiriye oo kulanka ka hadashay ayaa ka faalootay muhiimadda haweenka soomaaliyeed iyo kaalinta ay ku leeyihiin horimarka dalka, iyadoo aad u amaantay haweenka soomaaliyeed eek u howlan dib u dhiska iyo horumarinta dalka.

Dhankiisa, ra’iisalwasaare Cabdiwali Sheekh Axmed ayaa ka sheegay kulanka in haweenku door lama illaawaan ah ka qaateen xorayntii iyo  dhismihii dalka, ayna yihiin lafdhabarta awoodda lagu raadinayo nabad ka hirgasha dhulka Soomaaliyeed.

Ugu dambeyntii raiisulwasaaraha ayaa sheegay in xukuumaddu ay si buuxda ula shaqaynayso haweenka Soomaaliyeed, isagoo ka codsaday in ay laba laabaan dadaalka ay uga qayb qaadanayaan halganka lagu xaqiijinayo nabdda iyo horumarka dalka.

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW