U bood dhigaalka

Shirkadda Diyaaradaha Jabuuti oo Biloowdey Duulimaadyadeeda

Sheeko:Caalamka

Markii ugu horeysey waxaa duulimaad toos ah biloowdey shirkadda diyaaradaha Jabuuti oo dhawaan la asaasay, waxayna duulimaadyada ku biloowdeen kuwa xamuulka.

Diyaarada oo musalaftey sanadkii 2002-dii ayaa duulimaadkii ugu horeeyey ku tagtay magaalada Hargeysa, halkaasi oo ay geysey xamuul dhan 6 tan .

“Kani waa qadkii Jabuuti ka maqnaa, waxaanan u baahanahay shirkad qaran oo fulisa hiigsigeena” ayuu yiri Abuubakar Cumar Haaddi oo ah guddoomiyaha dekadaha Jabuuti.

Shirkadda duulimaadka Jabuuti ayaa waxa dib usoo kabashadeeda gacan ka geystey shirkadda diyaaradaha ee lagu magacaabo Cardiff Aviation, waxayna duulimaadyada rakaabka bilaabi doontaa sanadka soo socda.

Shirkadda ayaa waxa ay hadda leedahay hal diyaarad oo kaliya, waxayse soo iibsan doontaa illaa 5 diyaaradood sanadkani dhamaadkiisa.

Goobjoog News