Wararka Caalamka

Portugal ayaa sheegtay inay aqoonsan doonto dowlad Falastiini ah Axadda, taasoo ka dhigaysa waddankii ugu dambeeyay ee reer galbeedka ee isku diyaarinaya inuu beddelo siyaasadda, maaddaama dagaalka Marinka Qasa aanu muujinayn calaamad ah inuu joogsanayo.

Maamulka Israa’iil ayaa marinka Qasa si qasab ah uga barakiciyay ku dhowaad nus malyan qof oo rayid ah, ayadoo hal malyan oo kalena ay ciidamada Israa’iil isku dayayaan inay guryahooda ka saaraan.

Madaxtooyada Faransiiska ayaa ku dhawaaqday in 10 dal oo reer galbeed ah ay go’aansadeen inay aqoonsadaan Dowladda Falastiin, ayadoo go’aankan lagu soo bandhigi doonaa shir caalami ah oo Isniinta dhici doona, kaas oo barbar socda shirweynaha Golaha Guud ee Qaramada Midoobay.

Iran ayaa xukun dil ah ku riday nin lagu eedeeyay inuu u basaasayay Israa’iil, sida lagu sheegay warbixin kasoo baxday warbaahinta dowladda Arbacadii, ninkaasi oo lagu magacaabo Babak Shahbazi.

Madaxweynaha Turkiga, Rajab Dayib Erdogan, ayaa khudbad uu ka jeediyay Shir-madaxeedka dalalka Carabta iyo guud ahaan dunida Islaamka ee Doxa ku sheegay inuu rajaynayo in go’aannada shirkaasi ay isu beddelaan bayaan qoraal ah oo lagu wargelinayo bulshada caalamka.

Waddamo badan oo NATO ah ayaa ciidamadooda iyo diyaaradahooda dagaalka u dhaqaaqi doonaan dhanka bari si ay uga jawaabaan duullaanka aan horay loo arag ee diyaaradaha aan duuliyaha lahayn ee Ruushku ku qaadeen hawada Poland.

Wakaaladda Wararka ee Qatar ayaa sheegtay in dalkaasi uu martigelinayo shir madaxeed gaar ah oo ay iskugu imanayaan hogaamiyeyaasha dalalka Carabta iyo Islaamku.

Larry Ellison ayaa noqday ninka ugu taajirsan caalamka kadib markii hantidiisa shalay kaliya ay korortay $101 bilyan sida ay daabacday Bloomberg

Dalka Nepal ayaa wajahaya xiisad siyaasadeed iyo mid bulsho kadib kacdoon xooggan oo ay hurinayaan dhalinyarada loo yaqaan “Gen Z”, kuwaas oo ka horyimid xayiraad ballaaran oo dowladdu saartay baraha bulshada.

Dowladda Japan ayaa ku dhawaaqday in ay si rasmi ah u aqoonsan doonto dowlad-madaxbanaan oo Falastiin ah dhammaadka bishan September, xilli la filayo in shirweynaha guud ee Golaha Qaramada Midoobay uu ka dhaco magaalada New York.