War

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta qaabilay wafdi sare oo ka socda ururka Jaamacadda Carabta, kuwaas oo dalka u yimid hirgalinta mashruuc weyn oo lagu taageerayo Manhajka waxbarashada dalka iyo horumarinta Afka Carabiga.

Waxaa xalay la soo gabagabeeyay dadaallo miro dhalay oo ay hoggaaminayeen Imaamyadda, Ugaasyadda iyo Guddigii Xildhibaannada ahaa, kuwaas oo horseeday is afgarad rasmi ah oo lagu baajiyay bannaanbixii lagu waday inuu maanta ka dhaco magaalada Muqdisho.

Ku dhowaad kala bar carruurta Soomaaliyeed ee da’doodu ka yar tahay shanta sano ayaa wajahaya khatar nafaqo-darro ba’an marka la gaaro bartamaha 2026, sida lagu sheegay warbixin cusub oo ay soo saartay hay’adda Save the Children. Tani waxay ka dhalatay isbiirsiga dhibaatooyin kala duwan iyo yaraanta gargaarka bani’aadannimo ee la heli karo.

War saxaafadeed ay dowladda Soomaaliya ka soo saartay israsaasayntii saacado ka hor ka dhacday degmada Warta Nabadda, gaar ahaan agagaarka saldhigga ayaa lagu yiri” Dowladda Federaalka ee Soomaaliya waxay cambaareyneysaa falal liddi ku ah amniga caasimadda oo ay ku dhaqaaqeen xubno siyaasiyiin ah oo doonayey inay xoog kula wareegaan Saldhigga Booliska ee Degmada  Warta Nabadda ee magaalada Muqdisho.

Lataliyaha sare ee Mareykanka ee arrimaha Afrika, Massad Boulos, ayaa kulan la yeeshay Madaxweynaha Soomaaliya Xasan Sheekh Maxamuud, iyadoo kulankaasi si cad loogu sheegay muhiimadda midnimada siyaasadeed ee gudaha Soomaaliya.

Duufaan xooggan oo saameyn ku yeelatay gobolka Bariga Aasiya ayaa sababtay dhimasho iyo burbur ka dhacay jasiiradda Taiwan, iyadoo sidoo kale qalqal weyn gelisay qaybo ka mid ah Shiinaha iyo magaalada Hong Kong.

Dowladda Federaalka Soomaaliya ayaa maanta dib ugu soo celisay dalka 173 dhalinyaro Soomaaliyeed oo muddo ku xirnaa xabsiyada dalka Libya, kadib safar dheer oo khataro badan ay ku galeen iyagoo isku dayayay tahriib iyo marin-biyoodyo sharci-darro ah.

Dowladaha Soomaaliya iyo Serbia ayaa magaalada Newyork ku kala saxiixday heshiis cusub oo dhinaca dublumaasiyadda ah, kaas oo ay ku jiraan iskaashi iyo tababarro xirafdeed oo lagu kobcinayo aqoonta dublumaasiyiinta.

Taliyaha Guud ee Booliska Dalka Eswatini, Manoma Vusie Masango, ayaa ku booriyay 32 askari oo katirsan Booliska Qaranka Eswatini (REPS) in ay muujiyaan anshax, sharaf, iyo ixtiraamka xuquuqda aadanaha xilli ay u diyaar garoobayaan ka qeybgalka howlgalka AUSSOM ee magaalada Muqdisho, Soomaaliya.

Wararka naga soo gaaraya degmada Gubadley ee duleedka Muqdisho ayaa sheegaya in saaka askari ka tirsan ciidamada dowladda uu halkaas ku dilay darawal ka shaqayn jiray gaadiidka isaga kala goosha Muqdisho iyo gobollada dhexe.