WAR DEG DEG AH: Weerar Ismiidaamin Ah Oo Goor Dhaw Ka Dhacay Magaalada Kismaayo
Sheeko:Dalka
Wararka naga soo gaaraya magaalada Kismaayo ee gobalka Jubada Hoose ayaa sheegaya in halkaasi uu ka dhacay weerar Ismiidaamin ah, kaasi oo geystay khasaare dhimasho iyo dhaawac isugu jirta.
Gaari yar ayaa la sheegay in lagu weeraray xarunta Jaamacadda Kismaayo oo lagu tababarayay ciidamo ka tirsan Jubbaland.
Inta la xaqiijiyay waxaa halkaasi ku dhintay Seddax qof, iyadoo dhaawaca 10 uu ka badan yahay.
Xaaladda magaalada Kismaayo aad bay u kacsan tahay, waxaana hadda socda howlgal ay wadaan ciidamada AMISOM iyo kuwa Jubbaland.
Warkaan wixii kusoo kordha kala soco wararkeena kale
Goobjoog News