Dad Badan oo Ku Geeriyooday Shil Train oo Ka Dhacay Gudah Hindiya

Shilkii ugu khasaaraha badnaa ee Train ayaa ka dhacay gudaha wadanka Hindiya, kadib markii uu rogmaday mid kamid ah kuwa dadweynaha, shilkaan ayaa ka dhacay bariga gobolka Odisha ee dalka Hindiya, sida ay saraakiishu sheegeen.

Xoghayaha guud ee gobolka Odish Pradeep Jena ayaa bartiisa Twitter-ka ku sheegay in in ka badan 200 oo ambalaas loo wacay goobtii uu shilku ka dhacay Jimcihii ee degmada Balasore ee Odisha iyo 100 dhakhtar oo dheeraad ah oo 80 ka badan oo horeba halkaas u joogay, kuwaas oo la abaabulay.

Shilkaan ayaa inta la xaqiijiyay ku geeriyooday in ka badan 280 ruux, halka ay jiraan dhaawacyo gaarayo ilaa 900 kale, Shilka Trainka ayaa waxaa loo aaneeyay kadib markii uu ka baxay wadada, isaga oo rogmaday inta badan qeybaha uu ka koobanaa, taas oo badisay khasaaraha baahsan ee soo gaaray dadweynahii rakaabka ahaa.

“Waan seexday,” nin ka badbaaday oo aan la aqoonsan ayaa u sheegay wararka NDTV. “Waxaan kusoo  toosay sawaxanka tareenku oo ka leexanaya khadka, si lama filaan ah, waxaan arkay 10-15 qof oo dhintay, waxaan u suurtagashay in aan ka soo baxo tababaraha, ka dibna waxaan arkay meydad badan oo go’ay.” ayuu yiri qofkaasi.

Saraakiisha caafimaadka ayaa sheegaya  in ilaa iyo hadda la helay meydadka 280 ruux, kuwaas oo jirkooda aad loo aqoonsaday, waxaana wali la baadi koobayay  20 ruux, waxaa jira dhaawacyo culus, kuwaas oo loo gudbiyay inta badan magalada caasimadda ah iyo magaalooyinka kale, iyadoo ku dhowaad 24 saac gurmadku uu soconayo wali.

Shilkaan oo dhacay maalintii  Jimcaha ayaa  lagu tilmaamaa shilkii ugu dhimashada badnaa ee Train ee ka dhaca gudaha Hindiya, shilka ayaa yimid kadib markii laba Train oo wadada isaga horyimid mid kamid ah uu ka baxay wadada, waxaana ilaa iyo hadda geeriyooday ku dhowaad 300 ruux, halka 850 ka badan ay dhaawacmeen.

Goobjoog News