Israa’iil oo duqeymihii ugu cuslaa ka fulisay dalka Suuriya

Diyaaradaha dagaalka ee maamulka Israa’iil ayaa goor dambe oo arbacadii ah waxa ay 11 duqaymood ka fuliyeen magaalooyinka Dimishiq iyo Xama ee Suuriya, sida ay ku warrantay wakaaladda wararka Suuriya ee SANA.

Weerarada cirka ah ee geysatay Israa’iil qaarkood ayaa lala beegsaday agagaarka dhismaha xarunta cilmi-baarista sayniska ee degmada Barzeh ee Dimishiq,” ayaa sida lagu sheegay warka at baahisay SANA.

duqeymaha kale ayaa lagu garaacay agagaarka magaalada Hama ee bartamaha dalka Suuriya, halkaas oo uu ku yaallo saldhig militari oo ay leeyihiin ciidamada Suuriya, balse wax faahfaahin ah lagama bixin khasaaraha weerarradan.

Wasaaradda Arrimaha Dibadda Suuriya ayaa si adag u cambaaraysay duqeymaha gardarada ah ee maamulka Israa’iil, ayadoo ku tilmaantay xadgudub bareer ah oo ka dhan ah sharciga caalamiga ah iyo madax-banaanida Jamhuuriyadda Suuriya.

Maamulka Israa’iil ayaa duqeymo joogto ah ka wada gudaha Suuriya taniyo markii xilka laga tuuray madaxweynihii hore ee dalkaas, waxayna Tel Aviv si cad u sheegtay inaysan oggolaan doonin in Suuriya ay mar kale dowlad xoog leh yeelato.