Kalfadhiga 3-aad Ee Baarlamaanka Jubbaland Oo Maanta Furmaya
Sheeko:Dalka
Maanta oo Axad ah waxaa lagu wadaa in magaalada Kismaayo uu ka furmo Kalfadhigga Saddexaad ee baarlamaanka maamulka Jubbaland, kadib fasax ay ku jireen xildhibaannada baaarlamaankaasi.
Madaxweynaha maamulka Jubbaland Axmed Maxamed Islaam Madoobe ayaa lagu wadaa inuu furo Kalfadhigaan maadaama Dastuurka maamulkaasi uu qabo in madaxweynaha uu furo, islamarkaana xiro kalfadhiyada baarlamaanka.
Markii uu kulanka furmo kadib, xildhibaannada Jubbaland ayaa ka hadli doona arrimaha ku aadan abaaraha dalka ka jira iyo sidii wax looga qaban lahaa.
Ammaanka guud ee magaalada Kismaayo ayaa aad loo adkeeyey, waxaana lasoo sheegayaa in ciidamo dheeraad ah lagu arkayo magaaladaasi.
Warkaan wixii kusoo kordha kala soco wararkeena kale
Goobjoog News