Dab Geystay Khasaare Nafeed oo Ka Kacay Deegaan Balli-Hadhac oo Hoostaga Laascaanood

Wararka ka imanaya deegaanka Balli-Hadhac oo ilaa 70km dhinaca Galbeed ka xiga magaalada Laascaanood ayaa sheegaya in dhowr qof ay dhinten kadib markii dab ka kacay goob ganacsi oo ku yaallo deegaankaas sida wararku sheegayaan.

Dabkaan ayaa kacay subaxnimadii hore ee saakay, waxaana uu ka bilowday goobo lagu iibiyo Shidaal iyo qeybo kale oo ka tirsan ganacsiyo yaryar sida ay wararku sheegayaan, waxaana  dabkaas ka dhashay khasaare kale duwan sida lagu helayo xogaha.

Inta la xaqiijiyay 5 ruux ayaa ku geeriyootay,  dadka dhintay ayaa isuguu jira kuwa soo dukaameysi  tagay iyo dadkii lahaa goobta uu dabka ka bilowday, gurmad ka yimid Laascaanood kadib ayaa lagu guuleystay in la damiyo gabi ahaan dabka oo khasaare geystay.

Dabka ayaa kacay xilli Booyad Shidaal ah ay ku shubeysay kaalinta dabku ka bilowday, marka laga soot ago geerida 5 ruux waxaa jiro dhaawac tiro kale, waxaana ugu dambeyn lagu guuleystay daminta dabka, waxaana sidoo kale uu geystay burbur tantiyadeed.