Booliska Soomaaliya oo Gacanta Ku Dhigay Nin Ku Eedeysan Dil Lagu Geystay Tooreey

Howlgal qaatay muddo 24 saacadood oo ay sameeyeen Ciidanka booliiska Soomaaliyeed gaar ahaan ciidanka saldhigga Dharkeenley waxaa gacanta lagu soo dhigey gacanku dhiigle lagu daba joogay.

Taariikhda markay aheyd 09-05-2024 abaaro 10:00am waxaa dhaawac toorey loo geystey muwaadin Soomeeliyeed oo lagu magacaabo dhibane marxuum Ismaaciil Yuusuf Axmad ina Muumino Maxamed Cumar 40 jir ah saacado ka dibna dhibanaha wuxuu u geeriyoodey dhaawicii kasoo gaarey tooreydii uu la dhacay gacan ku dhiiglaha.

Maantey oo taariikhda tahay 10-05-2024 abaaro 09:50 pm waxaan gacanta lagu soo dhigay eedeysane gacan ku dhiigle Cali Maxamed Xasan ina suldano cali aadan 16 jir ah kaas oo howl-galka lagu baadigoobaayey ay ku jireen ciidanka boliiska soomaaliyeed muddo 24 saacadood ah .
Waxaa howlgalkaas gacan ka geystey bulshada Soomaaliyeed ee degan degmada Dharkeenley oo gacan siiyey ciidanka boliiska Soomaliyeed.