Madaxweyne Guuleed Oo Baaq u Direy Shacabka Gaalkacyo

Madaxweynaha maamulka Galmudug C/kariin Xuseen Guuleed ayaa baaq nabadeed u direy guud ahaan shacabka ku nool magaalada Gaalkacyo ee xarunta gobolka Mudug.

Waxa uu sheegay madaxweyne Guuleed in isaga iyo madaxweynaha Puntland ay dhab ka tahay heshiiskii nabadeed ee ay wada gaareen, sidaasi darteedna shacabka Gaalkacyo looga baahan yahay iyaguna iney heshiiskaasi la qaataan madaxdooda.

Shacabka deggan Gaalkacyo ayuu sheegay madaxweyne Guuleed iney ku wada noolaan karaan oo kaliya walaalnimo iyo is jaceyl.

“Aniga iyo Madaxweyne C/weli Gaas xabad joojintii iyo heshiiskii aan soo saxiixnay Labadeenuba waa inaga dhab, waxaan rajeyneynaa in dadka reer Gaalkacyo ay nala qaataan heshiiskaasi, ma filayo iney jirto cid rabta colaad iyo barakac, Gaalkacyo waligeed meesheeda ayeey ku ooli doontaa, ma jirto cid cidda kale ka saari karto, waxaan filayaa in taasi wada garwaaqsannahay, waxay Gaalkacyo ku fiican tahay in dadka deggan ku wada noolaadan nabad iyo walaalnimo, waxaa la yiri ismahurtooy ha is haleyn” ayuu yiri Guuleed

Maanta ayaa la filayaa in magaalada Gaalkacyo ee gobolka Mudug kulan toos ah ku yeeshaan madaxda maamullada Puntland iyo Galmudug iney kulan toos ah wada yeeshaan, waxaana magaaladaasi ku wajahan wufuud ka kala socota dowladda Federaalka iyo beesha Caalamka.

Goobjoog News

Related Articles

One Comment

  1. West Ham United’s first Premier League game of the season against London rivals Tottenham Hotspur will set fans back as much as £77 for an adult ticket. West Ham vs Tottenham will set back fans as much as £77… while Hull City charge £16 for first home game against Stoke as fans prepare to march to Premier League HQ

Leave a Reply

Your email address will not be published. Required fields are marked *

Close
Goobjoog

FREE
VIEW