Deeq Gargaar ah oo Lagu Qeybiyay Gobolka Banaadir+Sawirro
Qoysas danyar ah oo ku nool degmooyinka qaar ee gobolka Banaadir ayaa waxaa maanta la gaarsiiyay deeq raashin ah, waxaana goobjooga ka ahaa guddoomiye ku-xigeenka gobolka ee arrimaha bulshada iyo wacyigelinta Basma Caamir Shakeedi, waxaana deeqda laga qeybiyay degmooyinka Shibis, Boondheere iyo Yaaqshiid.
Deeqdaan oo ka timid Dowladda Imaaraadka Carabta , isla markaana lasoo marsiiyay Wasaarada Gargaarkaiyo Maareynta Dowladda Federaalka Somaaliya waxaana la gaarsiiyay dadka danta yar iyo kuwa ay abaaraha saameeyeen ee Gobolada Dalka kasoo hayaamay ee soo gaaray Caasimadda magaalada Muqdisho.
Abaarta ka jirta dalka ayaa saamaeysay qoysas badan oo ahaa xoolo dhaqato iyo beeraleey, kuwaas oo abaartu dhaafisay xoolihii, halka kuwa beeeralayda ah aysan helin biyo ku filan waxsoo saarkooda, taas oo keentay in biyo baad kasoo baadigoobaan magaalooyinka oo ay usoo barakaceen xeryaha qoxootiga.
Dadka la gaarsiiyay deeqda ayaa ka mahadceliyey raashinka kale duwan ee lasoo gaarsiiyay, waxaana deeqdaan ay ka timid dowladda Imaaraadka carabta, taas oo qeyb ka ah gurmadka dowladda Imaaraadku kaga qeyb qaadanayso u gurmashada shacabka abaaraysan waxaana horay ay u sheegtay in ay diyaar utahay in ay ka qeyb qaadato.
Goobjoog News