Soomaaliya Maxaay Ka Dhaxashay Shir-madaxeedka Dalalka Safka Hore?

Waxaa magaalada Muqdisho lagu soo gabagabeeyay shirka madaxeedka dalalka deriska la ah Soomaaliya ee loo yaqaano dalalka safka hore.

Soomaaliya ayaa shirkaan ka dhashay qodobo iyo arrimo aad u muhiim ah, waxaana sidoo kale ay Soomaaliya shirkaan u noqonaya mid ay si wadajir ah dalalka deriska ah ay ugala qayb qaataan dagaalka ka ah ururka alshabaab.

Hadaba maxaa kamid ah qodobada ay Soomaaliya ka dhaxashay shirkaan?

1: Dalalka gobalka ee ka qayba galay shirkaan waxa ay hoosta ka xariiqeen xushmeeyntooda ku aaddan qarannimada, midnimada iyo madax-bannaanida Soomaaliya.

2: Soomaaliya in ay martigeliso dhammaan madaxda dalalka dariska la ah waxa ay muuqaal wanaagsan ka bixineysa soo kabashada dalkeenna iyo dowladnimadeenna.

3: Shirkaan waxa uu indhaha caalamka ku soo jeediyay hawl-gallada xoreeynta deegaannada ay khawaarijtu ku dhibaateeyn jireen dadkeenna.

4: Soomaaliya waxay xaqiijisay taageerada ciidan ee dalalka dariska ah, iyadoo la isla qaatay in la qaado hawl-gallo mideysan oo waqtiyeysan.

5: Dalalka gobalku waxa ay taageereen qorshaha qaran ee dowladda Soomaaliya ay ku dooneyso in lagala dulqaado cuna-qabateynta hubka dhammaadka sanadkan 2023.

6: Qorshaha hirgelinta nidaam amni oo wadajir ah oo lagu adkeynayo amniga soohdimaha dalalka Soomaaliya, Kenya, Jabuuti iyo Itoobiya, taas oo soo afjaraysa dhaqdhaqaaq argagixsada ee gobalka.

7: Dhiira-gelinta ciidamada xoogga dalka Soomaaliyeed iyo bulshada deegaannada xoroobay.

Qodobadaan ayaa ah kuwa ugu mudan ee shirka ka soo baxay intii uu socday.

Goobjoog News