Kooxaha xagjirka ah ee rabshadaha wata ee la xiriira al-Qaida ayaa ku sii kordhaya baaxadda iyo saamaynta guud ahaan Afrika, taasoo kor u qaadaysa welwelka ah inay horumariyaan xeeladahooda, waxay weerari karaan Mareykanka ama xulufada reer Galbeedka.

Mas’uuliyiinta difaaca iyo ciidamada Mareykanka ayaa sharaxay khataraha iyo welwelkooda ku saabsan xasilooni darrada sii kordheysa ee Afrika, halkaas oo dhowr afgambi ay ku wareejiyeen xukunka golayaasha milatariga, taasoo keentay in ciidamada Mareykanka la eryo iyo hoos u dhaca xog ururinta Mareykanka.

“Khataraha sida Wagner, kooxaha argagixisada iyo ururada dambiyada caalamiga ah waxay sii wadaan inay abuuraan xasilooni darro gobollo badan,” ayuu yiri Gen. CQ Brown, taliyaha ciidamada Mareykanka, isagoo hadalkiisa ka furay shirka madaxda difaaca ee Afrika ee Botswana. “Waxaan u maleynayaa inaan wada ognahay, wixii ka dhaca hal meel, kama sii jiri karto hal meel oo kaliya.”

Wagner waa kooxda calooshood u shaqeystayaasha Ruushka ee gashay dalalka Afrika si ay u bixiyaan amniga iyadoo ciidamada reer Galbeedka, oo ay ku jiraan kuwa Mareykanka iyo Faransiiska, ay la eryay. Kooxda ayaa caan ku ah naxariis darrada, waxaana ururada xuquuqda aadanaha ku eedeeyeen xubnaheeda inay kufsi iyo dil u geysteen dad rayid ah.

Inkasta oo Brown uu si kooban u taabtay khatarta argagixisada ee gobolka, waxay ahayd mowduuc muhiim ah oo laga hadlay shirka iyo su’aalo laga weydiiyay madaxda ciidamada ee goobta ka soo qayb galay kadib khudbadiisa. Waxay doonayeen inay ogaadaan waxa Mareykanku uu sameyn karo si uu uga hortago fiditaanka fallaagada Galbeedka Afrika, Gacanka Guinea iyo Sahel.

Waxaa markii ugu horeysay ee shirka madaxda difaaca lagu qabto dhulka Afrika. Waana markii ugu horeysay ee taliyaha ciidamada Mareykanka uu booqdo waddan ku yaalla Saxaraha ka hooseeya tan iyo 1994, markii Gen. John Shalikashvili uu booqday Rwanda.

Waxaa uu sheegay in Soomaaliya horumar laga sameeyay beegsiga kooxda Daacish iyo Shabaab, islamarkaana diyaaradaha dagaalka mareykanka ay sii wadi doonaan beegsiga.

Waxaa uu soo hadal qaaday Duqeyn ay diyaaradaha Mareykanka ka geysteen Soomaaliya May 31 waxay beegsatay dagaalyahannada Daacish waxayna dishay saddex, sida ay sheegeen Taliska Mareykanka ee Afrika. Mas’uuliyiinta Mareykanka ayaa sheegay in weerarku uu bartilmaameedsaday hoggaamiyaha kooxda.