Wasiirka Hawlaha Guud, Dib-u-dhiska iyo Guryeynta ee Soomaaliya, Ayuub Ismaaciil Yuusuf, ayaa sheegay in dawladdu ay baadi-goobayso istiraatiijiyad ballaaran oo ku aaddan horumarinta magaalooyinka, taasi oo ay ujeeddadeedu tahay xoojinta guryeynta, kaabayaasha dhaqaalaha iyo u-gogol-xaarista adkeysiga isbeddelka cimilada, xilli dalku uu ka soo kabanayo colaado sanado jirsaday iyo saameynta isbeddelka cimillada.
Wasiirka yaa hadalkan ka jeediyay intii uu socday kulankiin13aad ee Madasha Magaalooyinka Adduunka kaas oo ka dhacay Baku. Wasiirka ayaa khudbaddiisii ku sheegay in dawladda federaalka ah ee Soomaaliya ay hirgelinayso istiraatiijiyad isku xiraysa guryeynta, maaraynta dhulka, la-qabsiga cimilada iyo horumarinta dhaqaalaha deegaanka si loo gaaro xasillooni iyo horumar waara.
Wasiir Yuusuf ayaa sidoo kale soo bandhigay mashaariic horumarineed oo muhiim ah oo ay dawladdu ka hirgelineyso Beledweyne, Doolow iyo deegaanka Jasiira ee Muqdisho, kuwaas oo diiradda lagu saarayo helidda guryo guryo jaban iyo horumarinta kaabayaasha dhaqaalaha.
Wasiirka ayaa sheegay in dadaallada dib-u-dhiska Soomaaliya ay sii kordhayaan oo ay diiradda saarayaan dhisidda magaalooyin awood u leh inay u adkaystaan masiibooyinka la xiriira cimilada, oo ay ku jiraan daadadka iyo abaaraha dhowr jeer oo isku xigta barakiciyay bulshooyinka dalka oo dhan.
Soomaaliya ayaa muddooyinkii dambe kordhisay iskaashiga ay la leedahay saaxiibbada caalamiga ah ee ku aaddan soo-kabashada magaalooyinka, horumarinta kaabayaasha dhaqaalaha iyo adkeysiga masiibooyinka, iyadoo maamuladu ay raadinayaan inay casriyeeyaan adeegyada dadweynaha isla markaana ay maareeyaan koritaanka degdegga ah ee dadka magaalooyinka.