Ciidanka Dowladda Soomaaliya ayaa labadii toddobaad ee u dambeeyay hawlgallo ka dhan ah Al-Shabaab ka fuliyay deegaanno ka tirsan gobolka Shabeellaha Dhexe, gaar ahaan Daaru-nimca iyo Tawakal, sida lagu sheegay war-saxaafadeed kasoo baxay Wasaaradda Gaashaandhigga Soomaaliya.
Wasaaradda ayaa sheegtay in ciidamadu ay hawlgalladaasi ku dileen horjooge ka tirsanaa Al-Shabaab, kuwaas oo lagu kala magacaabo Xasan Xuseen Xurshow ana Xasan Garab-dheere.
Sida lagu sheegay war-saxaafadeedka, horjoogayaasha la dilay ayaa ka qayb ahaa maleeshiyaadkii ka dagaallamayay deegaannada Caddadley, Cadnaan-leexey iyo Daaru-nimca, kuwaas oo dhammaantood ku yaalla gobolka Shabeellaha Dhexe.
Wasaaradda Gaashaandhigga ayaa sidoo kale sheegtay in weerarrada ay ciidamada dowladda fuliyeen mid ka mid ah uu ahaa mid ay si gaar ah u beegsadeen maleeshiyaadkii waday hawlgallada, iyadoo mid ka mid ah horjoogayaasha lagu dilay halka mid kalena lagu dhaawacay.
Dhanka kale, Ciidamada Dowladda ayaa mar kale weerar ka fuliyay deegaanka Tawakal, halkaas oo lagu dilay horjooge kale oo ka tirsanaa Al-Shabaab, kaas oo lagu magacaabi jiray Cabdullaahi Faadhuud.
Wasaaradda Gaashaandhigga ayaa bogaadisay ciidamada xoogga dalka oo ay sheegtay inay ka dhanka yihiin argagixisada, iyadoo xustay in Ciidamada Dowladda ay door muuqda ka qaadanayaan dagaalka lagula jiro Al-Shabaab.