Golaha Wasiirrada Xukuumadda Federaalka Soomaaliya ayaa maanta cod aqlabiyad ah ku meel mariyay xubnaha Guddiga Maamulka ee Shirkadda Kalluumaysiga Qaranka Soomaaliyeed, kaddib soo jeedin ka timid Wasaaradda Kalluumaysiga iyo Dhaqaalaha Buluugga ah
Kulanka Golaha Wasiirrada oo uu guddoomiyay Ra’iisul Wasaare Xamsa Cabdi Barre, ayaa xubnaha guddiga oo ka kooban 9 xubnood loogu ansixiyay cod gacan taag ah
Ansixinta guddigan ayaa qayb ka ah hirgelinta go’aankii Golaha Wasiirrada ee 30ka Oktoobar 2025, kaas oo lagu ansixiyay Xeerka Aasaasidda Shirkadda Kalluumaysiga Qaranka Soomaaliyeed
Guddiga cusub ayaa loo xil saaray maamulka iyo hagidda hawlaha shirkadda, iyadoo tallaabadan ay dowladda ku tilmaantay mid la xiriirta horumarinta iyo maareynta kheyraadka kalluumaysiga iyo dhaqaalaha buluugga ah ee dalka
Xubnaha Guddiga Maamulka
Yuusuf Cabdiraxmaan Cali — Guddoomiye
Daariq Muuse Xasan — Guddoomiye Ku xigeen
Yaasiin Jaamac Faarax — Xubin
Arwa Cabdiqaadir Maxamed — Xubin
Xasan Aadan Cumar — Xubin
Axmed Maxamed Cali — Xubin
Xanaaan Xaashi Cali — Xubin
Maxamed Cabdullaahi Cumar — Xubin