Akhriso: Ujeedka Safarka Farmaajo Ee Adis Ababa Iyo Midka Kheyre Ee Dooxa

Madaxweynaha Soomaaliya Maxamed Cabdullahi Farmaajo ayaa maanta booqday caasimadda Itoobiya ee Adis Ababa.

Farmaajo marka uu ka degay garoonka diyaaradaha ee Bole waxaa halkaasi ku soo dhaweeyay Ra’iisul Wasaaraha Itoobiya Mudane Abiy Axmed.

Wadahadallada ay yeesheen Madaxweyne Farmaajo iyo Ra’iisul Wasaare Abiy ayaa xoogga lagu saaray sidii loo sii dardargelin lahaa iskaashiga dhinacyada amniga iyo dhaqaalaha iyaga oo sidoo kale isla soo hadal qaaday xaaladihii ugu dambeeyay ee Gobolka.

Dhanka kale, ra’isul wasaare Xasan Cali Kheyre ayaa u kicitay dalka Qatar iyada oo la sheegayo inuu halkaasi ku aaday arrimo la xiriira mashaariic.

Labada mas’uul ayaa dalka ka maqan xilli ay dowladda dhexe xiriirka u jareen dowlad goboleedyada Puntland iyo Galmumudug, waxaa kale oo walaac badan laga muujinayaa faragelinta dowladda dhexe ee doorashooyin la filayo Galmudug iyo Jubbaland.

Keliya ma qasna xaaladda gudaha, ee gobolka gaar ahaan Kenya ma fiicna xiriirka ay la leedahay Muqdisho, oo bilihii ugu dambeeyey waxaa dhacday iney Kenyaanka qaadaan talaabooyin ay ka mid tahay iney culeys saaraan fiisaha diblomaasiga ah, waxaa ay wareejiyeen diyaarihii toos u tagi jiray Nairobi oo hadda mara Wajir, waxaa kale oo la diiday xamuul aan cidna la socon in laga diro Soomaaliya.

Goobjoog News

Related Articles

One Comment

  1. Xaaladda dalka soomaaliya marka la eego waxaa muuqata in ay Kenya iyo Ethiopia fara kulul ku hayaan manhajka siyaasadeed ee soomaaliya. Waxaa laga dareemayaa Farmaajo inuusan salkaba dhulka dhigiarin xitaa maalmo yar si uu xaaladda dalka wax uga ogaado.Kenya iyo Ethiopia waxay gacan bir ah ku qabteen dhaqdhaqaaqa Maxamed Farmaajo waxaana muuqata in isku deyayaan in ay ka ansaxsadaan rabitaankooda muddada yar ee ka harsan waqtiga uu hayo qalinka wax loogu saxiixo masiirka soomaaliyeed.
    Maxamed C/llhi Farmaajo waxuu ku sifoobey(lamood noqonse waa) Wax garadka iyo dhamaan mas,uuliyiinta soomaaliyeed waxaa la gudboon in ay si deg deg ah ugu diyaar garoobaan difaaca dalka inta aan xeerada iyo fandhaalku kala dhicin. Kenya iyo Ethiopia waxba nooma aysan qarin maalin kastana weyba noo digaan oo waxay noo sheegaan waxa ay naga damacsan yihiin laakiin waxaaba dhici karta in madaxda soomaaliyeed qaarkood ayba ku qanacsan yihiin in Jamhuuriyadda soomaaliya lagu kala daro Kenya iyo Ethiopia!

Leave a Reply

Your email address will not be published. Required fields are marked *

Close
Goobjoog

FREE
VIEW