U bood dhigaalka

Ku Saabsan⁠

Aragtiyaha iyo faallooyinka si qotodheer ay ku gorfeeyaan qorayaasha, tifaftirayaasha iyo qalinleyda kale ee hal-abuurka ah.

Aragtida Xorta ah waa qeybta Warbaahinta Goobjoog u qaabilsan soogudbinta fikradaha culus, doodaha dhaadheer, iyo codadka xorta ah.

Waxay u taagan tahay inay soo gudbiso wax dhaafsiisan arrimaha maalinlaha ah iyo falcelinta degdegga ah. Waa goob loogu talagalay qorayaasha doonaya in ay si gundheer u faaqidaan siyaasadda, arrimaha bulshada, mawduucyada dhaqanka, falsafadda, taariikhda iyo doodaha fikriga ah ee Soomaalida, iyagoo cuskisiinaya caddaymo cilmi ah iyo xujooyin cadcad.

Aragtida Xorta ah waxay ka duulaysaa mabda’ ah: in bulshada caafimaadka qabtaa ay u baahan tahay goob ay ku doodaan—oo dib isugu qiimeeyaan—kaladuwanaantooda aragtiyeedna ay ugu soo bandhigaan si xor ah oo aan xanaf lahayn. Sidoo kale, waxay qorayaasha ku carinaysaa, kuna dhiirrigelinaysaa, inay lafaguraan doodaha kakan, u babacdhigaan beenaha faafay, oddorasaan filashooyinka imaan kara, warcelinna u helaan weydiimaha murugsan.

Qoraal kasta oo lagu baahiyo qeybta Aragtida Xorta ah waxaa la waafajiyay xeerarka iyo mabaadi’da Goobjoog ee anshaxa, is-ixtiraamka iyo qummanaanta cilmiga.

Tafatire

Bilal Qaasin Fiqi (Aar)

Cilmibaare daneeya dersidda iyo wax-ka-qoridda taariikhda iyo siyaasadda, suugaanta iyo cilmi-afeedka.


Qoraayaal

Maryama Isaaq

Qore dersa culuunta bulshada, isla markaasna xiisaysa daraasaynta iyo wax-ka-qoridda dhaqamada bulshada, habfikirkooda iyo saykoolojiyadda bulsheed.

Cabdinaasir Cali

Qore culuunta bulshada bartay oo xiiseeya akhriska iyo qoraalka, kana faallooda arrimaha siyaasadda, amniga, buugagga iyo shineemada.

Ciise Cabdi

Qore daraaseeya culuunta dhaqaalaha, waxna ka qora dhaqanka, dhaqaalaha, iyo dawladnimda, si gaar ah dhisidda hay'ado dawladeed oo daahfuran, kana hufan eex, musuq iyo caddaaladdarro.

Cabdinaasir Cali

Saxafi diiradda saara oo wax ka qora teknolojiyadda, xiriirka caalamiga ah, iyo dawladnimada Soomaaliya.