Wararka Caalamka

Xiisadda u dhexeysa Sacuudiga iyo Xuutiyiinta Yemen ayaa sii xoogeysatay, kaddib markii isbahaysiga uu hoggaamiyo Sacuudigu uu Xuutiyiinta ku eedeeyey inay diyaarad aan duuliye lahayn ku weerareen xarun koronto oo ku taalla magaalada Madiina, taas oo koronto siisa Masjidka Nabiga.

Dagaal u dhexeeya ciidamada Xuutiyiinta iyo ciidamada dowladda Yemen ee caalamku aqoonsan yahay ayaa habeenkii dib uga qarxay dhowr jiho oo ka tirsan gobolka Taciz, iyadoo iska-horimaadyo laga soo sheegay xaafado la deggan yahay oo ku yaalla bariga magaaladaas.

Kaddib wararka sheegaya in iska-horimaad ka dhacay qolka duuliyeyaasha ee diyaarad Flydubai ah oo ku sii jeedday Tel Aviv, halkaas oo kaaliyaha duuliyaha lagu eedeeyey inuu mindi ku dhuftay kabtanka, dabadeedna diyaaraddu gashay hoobasho musiibo keeni kartay.

Sacuudi Carabiya ayaa diiday dhowr codsi oo Israa’iil ay u dirtay, kuwaas oo ahaa in diyaarado Israa’iili ah loo oggolaado inay dalkaas ka soo qaadaan rakaab Israa’iiliyiin ah oo saarnaa diyaarad Flydubai ah oo si degdeg ah ugu degtay Sacuudiga, sida uu AFP u sheegay ilo Sacuudi ah oo xog ogaal u ah arrinta.

Pakistan ayaa duqeymo cirka ah ka fuliyay gudaha Afghanistan, iyadoo Islamabad ay sheegtay in weerarrada lagu bartilmaameedsaday xeryo iyo goobo ay ku dhuumanayeen kooxo hubeysan, isla markaana lagu dilay 22 dagaalyahan.

Isbahaysiga uu hoggaaminayo Mareykanka ayaa soo gabagabeeyay howlgalkii milatari ee uu muddo ka badan toban sano ka waday dalka Ciraaq, kaas oo si rasmi ah loo bilaabay sanadkii 2014-kii, xilli ciidamada isbahaysiga loo diray Ciraaq iyo Suuriya si ay ula dagaallamaan kooxda Daacish.

Diyaarad rakaab oo ay leedahay shirkadda Flydubai, taas oo ka duushay magaalada Dubai ee Imaaraadka Carabta kuna sii jeeday Israa’iil, ayaa si degdeg ah ugu degtay dalka Sacuudiga kadib markii ay la kulantay xaalad degdeg ah.

Wasaaradda Arrimaha Dibadda ee Koonfur Afrika ayaa markii saddexaad muddo sagaal bilood ah u yeertay safiirka Mareykanka ee dalkaas, Leo Brent Bozell III, iyadoo dowladda Koonfur Afrika ay ku eedeysay inuu sameeyay waxa ay ku tilmaantay “dhaqan aan diblomaasiyadeed ahayn.”

Dowladda Masar ayaa waxba kama jiraan ku tilmaantay eedeymaha Itoobiya ee la xiriira faragelinta arrimaha gudaha dalkaas iyo taageerada kooxo hubeysan oo ka howlgala waqooyiga Itoobiya.

Dagaallada ka socda waqooyiga Itoobiya ayaa sii xoogeysanaya, iyadoo iska horimaadyo u dhexeeya ciidamada dowladda Itoobiya iyo xoogagga Tigray ay ka socdaan qaybo ka mid ah Tigray iyo deegaannada ku dhow ee Amhara iyo Afar, taasoo dib u soo cusbooneysiisay walaaca laga qabo in colaaddii gobolka ay mar kale si ballaaran u qaraxdo.