Wararka Caalamka

Xoghaynta Guud ee Ururka Iskaashiga Islaamka (OIC) ayaa si adag u cambaareysay weerarro ay sheegtay in kooxda Xuutiyiinta ay ku qaaday magaalada barakeysan ee Maka iyo gobolka Madiina, iyo sidoo kale waxa ay ku tilmaantay weerarrada sii socda ee ka dhanka ah Boqortooyada Sacuudi Carabiya.

Xuutiyiinta Yemen ayaa qaaday weerarro cusub oo ay ku beegsanayaan gudaha Sacuudiga, xilli ay sii xoogeysanayaan dagaallada Yemen, isla markaana ay hakadeen dadaalladii diblomaasiyadeed ee lagu doonayay in dib loogu furo Marin-biyoodka Hormuz oo muhiim u ah isu-socodka shidaalka caalamka.

Dalalka ku bahoobay ururka BRICS ayaa si wadajir ah u ansixiyey Baaqa New Delhi, iyagoo walaac xooggan ka muujiyey dagaalka iyo xiisadaha sii kordhaya ee Bariga Dhexe. Bayaanka ayaa dhinacyada ugu baaqay xakamayn buuxda iyo inay ka fogaadaan tallaabooyin sii hurin kara colaadda.

Ugu yaraan laba qof ayaa ku dhaawacmay, halka masaajid iyo dhismayaal kale ay waxyeello soo gaartay, kadib markii wax lagu sheegay gantaal ama madfac ay Xuutiyiinta Yemen ku rideen koonfurta Sacuudiga, sida ay sheegtay Hay’adda Difaaca Madaniga ah ee Sacuudiga.

Sahayda saliidda cayriin ee Sacuudi Carabiya ayaa bishii Agoosto hoos ugu dhacday lix milyan oo foosto maalintii, taas oo ah heerkii ugu hooseeyey muddo ka badan 30 sano, sida lagu sheegay qiimayn cusub oo ay soo saartay Hay’adda Tamarta Caalamiga ah (IEA

Boqortooyada Sacuudi Carabiya ayaa si ku-meel-gaar ah u xirtay East-West Pipeline, oo ah dhuumaha shidaalka ee muhiimka u ah dhoofinta saliidda dalka, kadib markii dhowr diyaaradood oo aan duuliye lahayn lagu weeraray qaybo ka mid ah dhuumahaas

Dagaallo culus oo dib uga qarxay Yemen ayaa sababay barakaca ugu yaraan 46,000 qof tan iyo toddobaadkii hore, iyadoo Hay’adda Caalamiga ah ee Socdaalka ee Qaramada Midoobay (IOM) ay sheegtay in tirada dadka guryahooda ka cararaya ay saacad kasta sii kordhayso.

Wasiirrada arrimaha dibadda ee dalalka Khaliijka iyo wasiirka arrimaha dibadda Iiraan ayaa la filayaa inay ku kulmaan magaalada Salalah ee Cumaan, iyadoo diiradda lagu saarayo sidii loo heli lahaa heshiis ku-meel-gaar ah oo lagu maareeyo maraakiibta ganacsi ee mara Marinka Hormuz.

Dagaallada ka socda dalka Yemen ayaa sii xoogeysanaya, iyadoo ciidamada dowladda Yemen iyo Xuutiyiinta ay iska horimaadyo culus ku dhexmarayaan dhowr gobol, halka colaadda ay sidoo kale ku fidayso xuduudaha Sacuudiga.

Ururka Qareennada Bariga Afrika (EALS) ayaa dowladda Kenya uga digay in tallaabooyinka lagu bartilmaameedsanayo ganacsatada ajaanibta ah loo fuliyo si waafaqsan dastuurka dalka iyo waajibaadka ka saaran heshiisyada Bulshada Bariga Afrika (EAC).