Wararka Caalamka

Nemesio Oseguera Cervantes, oo si weyn loogu yaqaanay naanaysta El Mencho, isla markaana ahaa hoggaamiyaha ururka daroogada ka ganacsata ee Jalisco New Generation Cartel (CJNG), ayaa lagu dilay howlgal amni oo ay ciidamada Mexico ku doonayeen in ay ku soo qabtaan, sida ay xaqiijisay dowladda dalkaas.

Suudaan ayaa si kulul u cambaareysay martiqaadka ay Uganda u fidisay hoggaamiyaha ciidamada gurmadka degdegga ah ee RSF, Mohamed Hamdan Dagalo, kuna tilmaamtay tallaabadaas mid xadgudub ku ah qiyamka aadanaha iyo shacabka Suudaan.

Ku dhowaad 20 urur oo caalami iyo goboleed isugu jira, kana shaqeeya xuquuqda aadanaha iyo arrimaha bini’aadannimada, ayaa ka digay in Itoobiya ay qarka u saaran tahay dagaal ballaaran oo dib uga qarxa dalka, iyagoo ku baaqay in beesha caalamka ay si degdeg ah u farageliso si looga hortago xasuuqyo iyo tacaddiyo hor leh.

Weerar ismiidaamin ah ayaa ka dhacay degmada Bannu ee gobolka Khyber Pakhtunkhwa, waqooyi-galbeed Pakistan, halkaas oo uu qof watay gaari walxaha qarxa laga soo buuxiyay ku dhuftay kolonyo ciidan oo maraysay agagaarka xadka Afghanistan.

Milateriga Mareykanka ayaa weerar hawada ah ku qaaday dooni lagu tuhunsanaa inay ku lug lahayd ka ganacsiga daroogada, taasoo maraysay marin badeed ku yaalla Bariga Badweynta Pacific.

Wargeyska Wall Street Journal ayaa daabacay warbixin uu ku sheegay in ururinta awoodda cirka ee Mareykanka ee Bariga Dhexe ay tahay tii ugu ballaarneyd tan iyo ururintii militari ee ka horreysay duullaankii Ciraaq sanadkii 2003.

Warbixin baaritaan ah oo ay daabacday wakaaladda Reuters, isla markaana ay baahisay shabakadda Sudan Tribune, ayaa daaha ka rogtay in Dowladda Itoobiya ay martigelisay xero milatari oo qarsoodi ah, taas oo lagu tababarayo kumannaan dagaalyahanno ah oo ka tirsan Ciidamada Gurmadka Degdegga ah ee Suudaan (RSF).

Mas’uul ka tirsan Jamhuuriyadda Islaamiga ah ee Iiraan ayaa si cad u beeniyay warar ay faafiyeen qaar ka mid ah warbaahinta, kuwaas oo sheegayay in ciidamada badda ee Ilaalada Kacaanka Iiraan ay qorsheynayeen inay sameeyaan dhoolatus ciidan iyo tijaabo militari oo rasaas nool nool la adeegsanayo, kaas oo ka dhacaya gudaha Marin-biyoodka Hormuz

Militariga Maraykanka ayaa maalmahan danbe si weyn u xoojisay joogitaankiisa Bariga Dhexe, iyadoo halkaas la isugu geeyay awood ciidan oo ballaaran, taasoo sara-u-qaadday walaaca laga qabo in saacad kasta uu dhici karo weerar ama tallaabo toos ah oo lagu ekeeyo Iiraan.

Xaaladda maanta ka taagan Maraykanka, gaar ahaan magaalada Minneapolis, ayaa ah mid aad u kacsan kaddib toogashadii shalay ee ay ku dhinteen muwaadin rayid ah oo lagu eedeeyay inay fuliyeen saraakiil ka tirsan hay’adaha federaalka ee socdaalka. Dhacdadan ayaa mar kale dib u soo noolaysay dood xooggan oo ku saabsan adeegsiga awoodda, hab-dhaqanka ICE, iyo sida muhaajiriinta iyo bulshooyinka laga tirada badan yahay loola macaamilo.