U bood dhigaalka

Rooble oo Shacabka Soomaaliyeed Ugu Hambalyeeyay Munaasabadda Ciida

Sheeko:Dalka

Ra’iisulwasaaraha xukuumadda federalka Soomalaiya Maxamed Xuseen Rooble ayaa shacabka Soomalaiyeed ugu hambalyeeyay munaasabadda ciidul fidriga oo maalinta barri looga dabaal degayo caalamul islaami, waxaana uu Allah uga baryay inuu sanadka sanadkiisa dalka iyo dadka Soomaaliyeed ku gaarsiiyo nadabd iyo barqaaqo.

“Waxaan Shacabka Soomaaliyeed iyo guud ahaan Ummadda Islaamka ugu hambalyeynayaa munaasabadda Ciidda Barakeysan ee Ciidul Fidriga. Waxaa mahad oo dhami u sugnaatay Allaha weyn oo si nabad iyo caafimaad leh noogu dhammeeeyay bishii Barakeysneyd ee Ramadadan. Allaha naga aqbalo soonkii iyo acmaashi wanaagsanayd ee aan la nimid” ayuu ku yiri qoraalkiisa.

Ra’iisulwasaaraha oo sii hadlayo ayaa yiri” Ciiddu waa munaasabad farxadeed, sidaas darteed waxaan ka codsanayaa shacabka Soomaaliyeed, gaar ahaan dadka Eebbe wax siiyay in la caawiyo dadka danyarta ah, lagana farxiyo iyaga iyo qoysaskooda si ay u dareemaan farxadda Ciidda”.

Ra’iisulwasaare Rooble ayaa xusay dhanka kale in munaasabadda ciiddu  kusoo aaday xilli ka duwan sanadkii hore ” Munaasabadda Ciiddul Fidrigu sanadkan waxa ay ku soo aadday iyadoo uu xaalku aad uga duwan yahay sidii uu ahaa sanadkii hore xilligan oo kale, markaas oo ay dalka ka jirtay xaalad amni yo siyaasadeed oo aad u kacsan taas oo la xiriirtay doorashada dalka iyo heshiis la’aanta siyaasadeed ee dalka ka taagneyd” ayuu yiri.
Gabagabadii qoraalkiisa ayuu ku yiri “Alla mahaddii sanadkan waxa aan farxadda Ciidda u dabbaal dageynaa, iyadoo howlihii doorashadu soo gaareen heer gebogebo ah, ka dib dadaal iyo shaqo badan aan galinnay sidii dalka doorasho uga dhici lahayd”.
Goobjoog News