Odayaasha Dhaqanka Gobolka Hiiraan oo ka cabsi qaba in markale dagaal ka dhaco gobolka

Odayaasha Dhaqanka  Gobolka Hiiraan ayaa  sheegay in Gudigii Dhaxdhaxadinta ee Dowladda  u dirtay dhamaynta xiisadihii ka taagan Degaanno hoos yimaada degmada Beledwayne ee gobolka hiraan ay soo afjari waayeen xiisadaha ka jira degaanka

Gudoomiyaha Odayaasha Dhaqanka Gobolka Hiiraan Xuseen Kulmiye Waa Suge  ayaa sheegay in hada cabsi ay ka qaban  in markale  dagaalo ay ka dhacaan Gobolka Hiiraan.

Waa suge ayaa sheegay in guddigii dowladda federaalka ka socday ay ku laabteen magaalada Muqdisho kadib markii ay ku guul dareysteen isku soo dhaweynta beelihii dagaalamay.

Gudoomiyaha  Odayaashu waxa  uu mar kale ku baaqay in loo wada guntado  soo afmeerida xiisadaha aan laga  xal gaarin ee ka jira Gobolka Hiiraan.

Tiro dad ah ayaa ku dhimatay kuwo kalena waa ay ku wax yeeloobeen dagaallo u dhexeeyey dad wada dega oo ka dhacay deegaanada Deefow iyo kabxanley ee gobolka hiiran.