Xukuumadda Soomaaliya ayaa dib uga noqotay go’aan 2017-kii ururka ONLF ay dowladda Soomaaliya ugu aqoonsatay urur argagixisanimo.
Kulan maanta ay isugu yimaadeen golaha wasiirada xukuumadda, kaas oo uu shir guddominayay ra’iisul wasaaraha dalka ayaa lagu laalay go’aankii xukuumaddi Xasan Cali Kheyre ay liiska argagaxisada ugu dartay ururka ONLF.
“Golaha Wasiirrada XFS oo maanta kulan yeeshay ayaa ansixiyay in laga laabto go’aan uu horay u gaaray Golaha Xukuumadda Sanadkii 2017, kaas oo ururka ONLF u aqoonsaday urur agagixiso, ka dib dhiibistii Cabdikariin Muuse Qalbi dhagax oo loo gacan geliyay Ethiopia, tallaabadaas oo goluhu isku u codeeyay in ay ahayd khalad”, ayaa lagu yiri war ka soo baxay xafiiska ra’iisul wasaaraha dalka Maxamed Xuseen Rooble.
Goobjoog News
