Taliska Xoogga Dalka iyo Africom oo Ka Wadahadlay Dardargelinta Dagaalka Al-shabaab

Taliyaha Ciidanka Xoogga dalka Sarreeye Gaas, Odawaa Yuusuf Raage ayaa kulan laqaatay taliyaha ciidamada Mareeykanka ee howlgalka Africom Gen, Micheal  Langley, iyaga oo ka wadahadlay arrimo dhowr ah oo ku aadan ammaanka iyo dagaalka ka dhanka ah Al-shabaab.

Sarreeye Gaas, Odawaa Yuusuf Raage iyo Gen, Micheal  Langley ayaa aad isula gorfeeyay xoojinta iskaashiga iyo xiriirka ka dhexeeya laba qeybood iyo dar-dar gelinta howlgallada Mareykanku uu ka taageero ciidanka xoogga dalka ee ka socda guud ahaan gobollada dalka.

Dowladda Mareykanka ayaa ciidanka xoogga dalka gaara haan DANAB waxaa ay kala shaqeysaa howlgallada ka dhanka ah kooxda Al-shabaab, waxaana dhowaan la filayaa in gobollada dalka uu ka bilowdo wajiga labaad ee ka dhanka ah kooxda oo dowladdu ku dhawaaqday.

Goobjoog News