Isu-soobax la gu Taageerayo Dagaalka Dib-u-Xoreynta Dalka oo ka Dhacay Baxdo

BAXDO — Shacabka magaalada Baxdo ee gobolka Galgaduud ayaa maanta dhigay isku soo bax ballaaran oo ay ku taageerayaan dhameystirka wajiga koowaad  ee dagaalka  Al-shabaab ee laga fulinayo deegaannaga Galmudug si looga saaro dhulka maamulkaasi.

Bannaabaxa maanta ayaa waxaa ka qeyb galay bulshada beybaheeda kale duwan, kuwaas oo inta badan watay calanka Galmudug iyo midka Jamhuuriyadda federalka, waxaana ay sheegeen in ay garab istaagan yihiin ciidanka dowladda iyo ku deegaanka.

Bannaanbaxaan ayaa waxaa uu kusoo aadayaa xilli ciidanka dowladda iyo kuwa deegaanka ay bariga gobolka Galgaduud ka bilaabeen howlgallo ka dhan ah Al-shabaab, xilli madaxweynaha Jamhuuriyadda uu wado abaabulka ku aadan dagaalka socda.