Kooxo ciyaal weearo ah oo ka dilaacay magaalada Qardho iyo bulshada deegaanka oo walaac ka muujinaya

Qaar kamida ganacsatada iyo dadweynaha ku nool magaalada Qardho ee gobolka bari, dhanka Puntland u ah caasimadda gobolka karkaar ayaa sheegaya in kooxa ciyaal weero ah oo abaabulani ay halkaas ka dilaaceen.

Ganacsatada magaalada ayaa Warbaahinta u sheegay in goobahooda ganacsigu ay ay wajahayaan weeraro joogto ah oo uga imaanaya kooxo ciyaal weero ah oo mindiyo ku hubaysan, waxayna baaq u direen laamaha nabad-gelyada Puntland.

Kooxahan ciyaal weerada ah ayaa la sheegay inay xaafad xaafad isku beegsanayaan, islamarkaana ay qeybaha kala duwan ee bulshada iyo goobaha gabacsigaba si aan kala sooc lahayn weerarro u dhibaataynayaan.

Hannaan burcadnimeedka ciyaal wareerada ayaa sanadihii 2022 iyo 2023 ka dilaacay magaalada Muqdisho, balse waxaa haatan muuqanaysa inuu ku baahayo gobollada dalka.