Wasiirka Warshadaha iyo Tiknoolajiyadda dalka Turkiga, Mehmet Fatih Kacir, ayaa shaaca ka qaaday in dowladdiisu ay si rasmi ah u billawday wejigii koowaad ee dhismaha xarunta weyn ee hawada sare (Space Port) taas oo laga dhisayo gudaha dalka Soomaaliya.

Dowladda Jabuuti ayaa si rasmi ah u xirtay xafiiskii matalaada ee maamulka Somaliland ku lahaa dalkaas, iyadoo tallaabadan ku sifeysay mid lagu difaacayo madaxbannaanida iyo midnimada dhuleed ee Soomaaliya.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta xafiiskiisa ku qaabilay Danjiraha Jamhuuriyadda Dadka Shiinaha u qaabilsan Soomaaliya, Mudane Wang Yu, iyaga oo ka wada- hadlay sidii meel looga soo wada jeesan lahaa faragelinta qaawan ee Isra’iil ku soo qaadday madax-bannaanida dhuleed ee Jamhuuriyadda Soomaaliya iyo difaaca danaha labada dal ee ku dhisan iskaashiga amniga iyo siyaasadda.

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa si adag uga hadlay aqoonsiga sharci-darrada ah ee Israa’iil ay siisay Soomaaliland, isagoo arrintaas ku tilmaamay mid halis weyn ku ah Soomaaliya iyo Geeska Afrikaba

​Waxaa maanta si rasmi ah u baaqday kulamadii loo qorsheeyay in ay yeeshaan xildhibaannada labada gole ee Baarlamaanka Federaalka Soomaaliya, ka dib markii la waayay kooramkii lagama maarmaanka u ahaa in fadhigu ku furmo.

Warbixintii dhowaan uu qoray wariye u dhashay maamulka Israel oo damacsanaa inuu booqasho ku tago magaalada Hargeysa, ayaa daaha ka qaadday xaqiiqo weyn oo inta badan laga indho-tiro marka laga sheekaynayo arrimaha aqoonsi raadiska Somaliland. Inkasta oo Israel ay sheegtay inay aqoonsatay Somaliland Todobaadkiii , haddana xaqiiqada dhulka ka jirta iyo nidaamka caalamiga ah ayaa muujinaya in Somaliland ay weli tahay gobol ka mid ah Soomaaliya inteeda kale, dalkuna uu yahay hal mid ah.