SO
EN
Madaxweyne Qoorqoor oo Ka Hadlay Daadadkii Bacaadweyne Ku Rogmaday Xili Guddi Gurmad uu Magacaabay
Madaxweynaha Dowlad goboleedka Galmudug Axmed Cabdi Kaariye Qoorqoor ayaa faafaahiyay waxyeeladii ka dhalatay roobaabkii Gu’ga ee ka dhawaan ka da’ay deegaanada Galmudug oo gaar ahaan waxyeello ga geystay deegaanno dhaca gobolka Galgaduud, isaga xusay in daadad xoog leh kusoo rogmadeen magaaalada Bacad-weyn ee Koonfurta Gobolka Mudug kuwaas oo sabab qasaaro nafeed iyo mid hantiyadeed.
Madaxweynaha ayaa sidoo kale sheegay in roobabka Gu’ga ay saameyn aan wanaagsaneyn ku yeesheen deegaano hoos yimaada Caasimada Galmudug ee Dhuusamareeb isla markaana ay biriq ku waxyeelaysay qoys ka koobnaa Todobo ruux oo Afar qof oo ka mid ah oo caruur ahaa ay geeriyootay ka dib markii biriq kula dhacday degaan hoos yimaada Caasimada Galmudug ee Dhuusamareeb.
Dhanka kale Madaxweynaha Dowlad Goboleedka Galmudug ayaa iyadoo laga tixraacayo waxyeelada roobabka waxuu maanta magacaabay guddiga gurmadka daadadka ka di b Markuu arkay, madaxweynuhu Daadadka iyo xaaladda bini aadannimo ee ka soo korodhay Deegaanka Bacadweyne ee Koonfurta gobolka Mudug kaas oo geystay saameyn nafeed iyo mid dhaqaale.
Qoraal kooban oo ka soo baxay Madaxweyne Axned Cabdi Kaariye ayaa lagu magacaabay guddigaan oo ka kooban 5 wasiir guddigaan ayaana ka shaqeyn doona sidii gurmad loogu sameyn lahaa deegaannada daadadka ay ku soo rogmadeen ee ka tirsan gobolka Mudug , waxaana uu ugu baaqay guddiga in sida ugu dhaqsiyaha badan ay uga howlgalaan deegaannada ay ka jirto xaaladaha nololeed ay keeneen roobabka Gu’ga ee ka curtay Galmudug.
Qodobka 1aad
Magacaabidda Guddiga Gurmadka iyo Kahortagga Waxyeelada Daadadka oo kala ah:
1. Wasaaradda Gargaarka iyo Maareynta Musiibooyinka.
2. Wasaaradda Caafimaadka iyo Daryeelka Bulshada.
3. Wasaaradda Maaliyadda
4. Wasaradda Arrimaha Gudaha, Federaalka iyo Dib-uheshiisiinta
5. Wasaaradda Hawlaha Guud iyo Dib-udhiska.
Qodobka 2aad
1. Waa in Guddigu si deg deg ah uga hawl galaan sidii gurmad iyo gargaar lagu gaarsiin lahaa dadka ku dhibaateysan deegaanka Bacadweyne oo hoy iyo hantiba ku belay roobabkii xooganaa ee halkaa ku fatahay, sidoo kale ay u diyaar garoobaan sidii ka hortag loogu sameyn lahaa in ay soo laabato xaaladdaas oo kale.
2. Madaxweynuhu wuxuu ugu baaqayaa Dowladda Soomaaliya, hay’adaha gargaarka iyo cidkasta oo ka qeyb qaadan karaysa sidii loogu gurman lahaa dadka reer Bacadweyne in ay lasoo gaaraan gurmad iyo gargaar deg deg ah.
Goobjoog News
