Wasaaradda Gaashaandhigga ayaa shaacisay in howlgal wadajir ah oo u dhexeeya Ciidamada Badda Turkiga iyo kuwa Soomaaliya uu si guul ah uga socday xeebaha Soomaaliya uu soo dhammaaday.
Howlgalka ayaa qayb ka ah dadaallada lagu xoojinayo amniga badda, iyadoo kooxda loo yaqaan Somali Maritime Mission Group ay si joogto ah u waddo howlo ay ku ilaalinayaan maraakiibta muhiimka ah sida Korkut, Altan iyo Sancar, kuwaas oo la socda markabka qodista shidaalka.
Waxaa sidoo kale la xaqiijiyay in tababaro xirfadeed ay si wadajir ah u fuliyeen ciidamada badda ee Turkiga iyo askarta badda Soomaaliya. Tababarradan ayaa waxaa ka qayb qaatay maraakiibta dagaalka ee Turkiga oo ay ka mid yihiin TCG Gaziantep, TCG Bartın iyo TCG Bafra.
Ujeeddada tababarkan ayaa ah in la kordhiyo xirfadaha iyo awoodda Ciidamada Badda Soomaaliya, si ay si madax-bannaan uga hortagaan khataraha badda sida burcad-badeedda iyo falalka amni-darrada ah.
Tallaabadan ayaa muujinaysay iskaashi sii xoogeysanaya oo u dhexeeya Soomaaliya iyo Turkiga, gaar ahaan dhinacyada amniga, difaaca iyo horumarinta awoodda ciidanka.