Wararka Caalamka

Weerarro lagu qaaday maraakiib ganacsi oo marayay Marinka Hormuz ayaa walaac cusub ku abuuray mustaqbalka wada-hadallada nabadeed ee u socda Mareykanka iyo Iiraan, iyadoo marinkan uu weli yahay qodobka ugu muranka badan ee labada dhinac.

Kun maalmood oo dagaal iyo burbur ka dib, waxaa Marinka Gaza laga hirgeliyay Guddiga Qaranka ee Maamulka Gaza, kaas oo lagu sameeyay qorshe ku-meel-gaar ah oo ay taageerayaan dhinacyo caalami ah.

Xamaas ayaa ku dhawaaqday inay kala dirtay Guddigii Gurmadka Dowladda ee maamulayey Marinka Gaza, iyadoo maamulka rayidka ah ku wareejisay guddi farsamo oo ka kooban 15 xubnood oo Falastiiniyiin ah.

Madaxweynaha Faransiiska Emmanuel Macron ayaa gaaray magaalada Dimishiq, halkaas oo uu kulan kula yeelanayo Madaxweynaha Suuriya Axmed Al-Sharaa, booqashadan ayaana noqotay tii ugu horreysay ee hoggaamiye ka socda Galbeedka Yurub ku tago Suuriya tan iyo markii xilka laga tuuray madaxweynihii hore Bashar al-Assad sannadkii 2024.

Hay’adda Boqortooyada Ingiriiska u qaabilsan la socodka amniga maraakiibta ganacsiga (UKMTO) ayaa sheegtay inay heshay warbixin ku saabsan weerar lagu qaaday markab shidaal oo marayay biyaha u dhow dalka Cumaan.

Hoggaamiyeyaasha 32-ka dal ee xubnaha ka ah Isbahaysiga NATO ayaa toddobaadkan ku kulmaya magaalada Ankara ee dalka Turkiga, iyadoo shirka uu diiradda saarayo kordhinta kharashaadka difaaca, xoojinta warshadaha hubka ee Yurub iyo sii wadidda taageerada milatari ee Ukraine.

Dab iyo burbur ayaa laga soo sheegay caasimadda Ukraine ee Kyiv, kaddib markii waaberigii maanta ay la kulantay weerarro xooggan oo ay ciidamada Ruushku ku qaadeen gantaallo iyo diyaarado aan duuliye lahayn (drones).

Saddex ka mid ah wiilasha hoggaamiyihii hore ee Iiraan, Ayatollah Cali Khamenei, ayaa ka qeyb galay salaadda janaasada aabbahood oo lagu tukaday magaalada Tehraan, hase yeeshee wiilkiisa Mojtaba Khamenei oo loo magacaabay hoggaamiyaha ugu sarreeya ee dalka ayaan ka soo muuqan munaasabadda.

Magaalada Tehraan ayaa maanta martigelinaysa maalintii labaad ee munaasabadda tacsida Hoggaamiyihii Sare ee Iiraan, Ayatollah Cali Khamenei, iyadoo malaayiin qof ay isugu soo baxeen caasimadda si ay uga qayb-galaan aaska iyo ducada loo samaynayo.

Xiisadda u dhexeysa Xuutiyiinta Yemen iyo Sacuudiga ayaa sii xoogeysatay, kaddib markii Xuutiyiintu ku hanjabeen inay beegsan doonaan garoomada diyaaradaha iyo kaabeyaasha muhiimka ah ee dalkaas.