Wararka Caalamka

Fallaagada M23 ee ku sugan bariga dalka Congo ayaa sheegay inay hadda si buuxda ula wareegeen magaalada Uvira – oo ah magaaladii ugu dambeysay ee ay dawladdu gacanta ku haysay ee koonfurta gobolka Kivu.

Thailand ayaa Duqeymo Cirka ah Ka Fulisay Xadka Cambodia, iyadoo Xiisadda u dhaxaysa labada dhinac ay mar kale dib u Qaraxday

Shabakadda Dhakhaatiirta Sudan ee SDN ayaa soo saartay cambaareyn culus oo ka dhan ah ciidamada RSF, kadib markii ay soo shaac baxday in ugu yaraan 19 haween ah la kufsaday intii ay ka soo barakacayeen magaalada El-Fasher ee gobolka Darfur.

Saraakiil ka tirsan milatariga dalka Benin ayaa goor dhow ku dhawaaqay inay afgambi ku rideen Madaxweynaha dalkaas Patrice Talon, kaddib markii ay si toos ah uga soo muuqdeen telefishinka dowladda oo ay ku akhriyeen bayaan kooban

Madaxweynaha Mareykanka Donald Trump ayaa magaalada Washington ku martigeliyay labada hoggaamiye ee Jamhuuriyadda Dimuqraadiga Congo (DRC) Félix Tshisekedi iyo Madaxweynaha Rwanda Paul Kagame, halkaas oo lagu kala saxiixday heshiis nabadeed oo lagu joojinayo colaadda muddo tobanaan sano ka jirtay bariga Congo, isla markaana lagu furayo khayraadka macdanta muhiimka u ah shirkadaha Mareykanka.

Howlgal gaar ah oo ay maanta fuliyeen kooxaha iska caabinta Falastiin ayaa ka dhacay magaalada Rafax ee koonfurta Qasa, kaas oo lagu dilay Yasser Abu Shabab oo ahaa hoggaamiyihii koox ay Israa’iil tababartay oo loo diyaariyay in gudaha Qasa ay kula dagaallamaan kooxaha wax iska caabinta Falastiin, sida ay xaqiijiyeen Al Jazeera iyo telefishinka Israa’iil ee Kanaal 14.

Lebanon iyo Israa’iil ayaa markii ugu horreysay muddo ku dhow afaratan sano yeeshay wada-hadal toos ah, kaddib markii wakiillo rayid ah oo ka kala socda labada dhinac ay ka qayb-galeen kulan uu guddoominayay Mareykanku oo lagu qabtay magaalada xeebta ah ee Naqoura, ee gudaha Lebanon.

Hay’adda u dooda xuquuqda aadanaha ee Amnesty International ayaa ku baaqday in si degdeg ah loo sameeyo baaritaan madax-bannaan oo ku saabsan dambiyo dagaal oo lagu eedeeyay ciidamada paramilitary-ga ah ee Rapid Support Forces (RSF), kuwaas oo weeraro culus ku qaaday xerada dadka barakacayaasha ah ee Zamzam, gobolka Waqooyi Darfur ee dalka Sudan.

Madaxweynaha Venezuela, Nicolás Maduro, ayaa ku baaqay in Ururka Dalalka Soosaarka Saliidda ee OPEC uu garab istaago dalkiisa, isaga oo sheegay in uu wajahayo hanjabaado sii kordhaya oo sharci-darro ah oo uga imaanaya Mareykanka iyo Madaxweynaha dalkaas, Donald Trump.

Tirada dadka ku dhintay Duufaanta Ditwah ee ku dhufatay dalka Sri Lanka ayaa kordhay, iyadoo mas’uuliyiintu maanta oo Axad ah ay sheegeen in dhimashadu gaartay 212, halka 218 qof oo kale weli la la’yahay, xilli howlgallada gurmadka iyo samatabbixinta ay socdeen maalintii afraad.