Wararka Caalamka

Madaxweynaha Mareykanka, Donald Trump, ayaa si cad uga digay Ra’iisul Wasaaraha Israa’iil Benjamin Netanyahu in uusan ka bixin heshiiska lagu soo afjarayo dagaalka ka socda Qasa, isagoo sheegay in Israa’iil aysan awoodin inay la dagaallanto dunida oo dhan.

Ka dib wada-hadallo toos ah oo magaalada Sharma shiikh ee dalka Masar ku dhex maray Israa’iil iyo Xamaas oo ay dhexdhexaadiyaan Mareykanka iyo dalal kale oo ay ku jiraan Masar, Turkiga iyo Qatar waxaa la shaaciyay is afgarad hordhac ah.

Maanta oo kale 7-dii sanadkii 2023 oo haatan laga joogaa laba sano, waxay ahayd markii uu qarxay dagaalkii Qasa ee u dhexeeyay Israel iyo ururka Xamaas, wuxuuna dagaalkana si weyn u beddelay xaaladda gobolka Bariga Dhexe iyo nolosha malaayiin Falastiiniyiin ah.

Madaxweynaha Mareykanka, Donald Trump, oo hadlayay dagaalka ka socda Marinka Gaza, ayaa sheegay in jawaabtii ugu dambeysay ee Xamaas ay muujinayso in ay diyaar u tahay in la gaaro heshiis nabadeed oo waara.

Madaxweynaha dalka Colombia Gustavo Petro ayaa si adag uga hadlay xaaladda bani’aadantinimo ee ka jirta Qaza, isaga oo si gaar ah fariin ugu diray madaxweynaha Maraykanka Donald Trump, kaas oo dhowaan soo bandhigay qorshe uu ku sheegay in lagu soo afjarayo dagaalka Bariga Dhexe.

Dowladda Colombia ayaa si rasmi ah dalkeeda uga cayrisay dhammaan diblumaasiyiinta Israa’iil, iyada oo si adag uga falcelisay cunaqabataynta iyo weerarrada Israa’iil ku hayso marinka Qasa iyo afduubka doonyaha sida gargaar bini’aadantinimo ee loo waday shacabka Falastiin.

Madaxweynaha Mareykanka Donald Trump ayaa Isniintii sheegay in isaga iyo Ra’iisul Wasaaraha Israa’iil Benjamin Netanyahu ay ku dhowyihiin inay gaaraan heshiis nabadeed oo lagu soo afjarayo dagaalka ka socda marinka Gaza, kaddib kulan ay ku yeesheen Aqalka Cad.

Madaxweynaha dalka Colombia Gustavo Petro, ayaa ka yaabsaday Mareykanka iyo xulafadiisa, ka dib markii uu magaalada Newyork uga qeyb-galay dibed-bax xooggan oo lagu dalbanayay in la soo afjaro dagaalka marinka Qasa, islamarkaana si weyn loogu dhaleecaynayay falalka guracan ee Israa’iil.

Duufaan xooggan oo saameyn ku yeelatay gobolka Bariga Aasiya ayaa sababtay dhimasho iyo burbur ka dhacay jasiiradda Taiwan, iyadoo sidoo kale qalqal weyn gelisay qaybo ka mid ah Shiinaha iyo magaalada Hong Kong.

Dalalka UK, Canada iyo Australia ayaa maanta si rasmi ah ugu dhawaaqay in ay aqoonsadeen madax-bannaanida Dowladda Falastiin, go’aan ayaa loo arkaa mid taariikhi ah oo dhiirrigelinaya hindisaha xal laba-dawladood ah.