Liban Hirsi

Dowladda Federaalka Soomaaliya ayaa sheegtay in Ciidanka Xoogga Dalka Soomaaliyeed, oo kaashanaya saaxiibada caalamka, ay 1-dii iyo 2-dii Luulyo fuliyeen duqeymo iyo howlgallo lagu bartilmaameedsaday fariisimo ay kooxda Al-Shabaab ku lahayd deegaannada Tawakal, Nuun Garre iyo Ugunji ee gobolka Shabeellaha Hoose.

Dowladda Federaalka Soomaaliya ayaa ku dhawaaqday inay isbeddel ku samaynayso baasaboor Soomaaliga, iyadoo laga bilaabo bisha Oktoobar 2026 la hirgelin doono Baasaboor Jiilka Saddexaad (Third Generation Passport) oo lagu qalabeeyay astaamo amni oo casri ah.

Dowladda Ukraine ayaa hambalyo ku aaddan xuska maalinta xorriyadda  ee 1-da Luulyo u soo dirtay Dowladda Federaalka Soomaaliya iyo shacabka Soomaaliyeed, iyadoo u rajeysay nabad, horumar iyo barwaaqo.

Maalqabeenka caanka ah ee Elon Musk ayaa dood culus ka dhex abuuray baraha bulshada kadib markii uu faafiyay qoraal ku saabsan saameynta dhimistii maalgelinta Hay’adda Horumarinta Caalamiga ah ee Mareykanka (USAID) ee dalalka Afrika.

Warar soo baxaya ayaa sheegaya in koox burcad internet ah (hackers) oo la tilmaamay inay xiriir la leeyihiin kooxda Xuutiyiinta Yemen ay jabsadeen bogga rasmiga ah ee Wasaaradda Arrimaha Dibadda maamulka Soomaaliland.

Bangiyada dhexe ee dalal badan ayaa dib u qaabeynaya istaraatiijiyaddooda kaydka lacagaha qalaad, iyagoo si isa soo taraysa u kordhinaya kaydka dahabka, halka la filayo inuu yaraado saamiga doollarka Mareykanka ee kaydadka caalamiga ah.

Warbixin cusub oo ay soo saartay Hay’adda Copernicus Marine Service ee Midowga Yurub ayaa muujisay in badaha caalamka ay diiwaangeliyeen bishii Juun 2026 heer-kulkii ugu sarreeyey ee abid la cabbiro, iyadoo khubaradu ka digayaan in ifafaalaha El Niño iyo isbeddelka cimiladu ay sii xoojin karaan kulaylka bilaha soo socda.

Maanta waxaa guud ahaan dalka laga xusayaa 66-guuradii ka soo wareegtay markii gobolladii waqooyi iyo koofur ay ku midoobeen Jamhuuriyadda Soomaaliya, isla markaana gobolladii koonfureed ay ka xoroobeen gumeystihii Talyaaniga 1-dii Luulyo 1960.

Maanta oo ku beegan 1-da Luulyo, caasimadda Muqdisho waxaa lagu wadaa inuu ka qabsoomo mid ka mid ah dabaal-degyadii ugu waaweynaa ee loo qabto maalintan tan iyo burburkii dowladdii dhexe ee Soomaaliya, iyadoo kumannaan shacab ah iyo madaxda dowladda ay ka qeyb geli doonaan munaasabadda.

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa caawa shacabka magaalada Muqdisho kala qeyb galay dabaal-degga munaasabadda qaran ee 1-da Luuliyo, iyadoo boqolaal qof ay isugu soo baxeen Isgooska Teleex si ay u xusaan maalinta xorriyadda iyo midnimada Soomaaliya.