Wararka Caalamka

Wasaaradda Arrimaha Dibadda ee dalka Iiraan ayaa shaaca ka qaaday in aysan weli jirin wax go’aan ah oo laga gaaray qabashada wareeg cusub oo wada-hadallo ah oo lala yeesho Mareykanka, xilli xiisadaha gobolka ay weli taagan yihiin.

Madaxweyne ku-xigeenka 1aad ee dowladda Iiraan ayaa sheegay in dalkiisu uusan damaanad qaadi karin sii jiritaanka ammaanka marinka muhiimka ah ee Hormuz haddii ay sii socdaan ama kordhaan cadaadisyada militari ee kaga imaanaya Maraykanka iyo Israa’iil.

Madaxweynaha Maraykanka Donald Trump ayaa si degdeg ah ugu dhawaaqay in wafdi ka socda Maraykanka ay u safri doonaan magaalada Islamabad maalinta Isniinta, si ay uga qayb qaataan wada-hadallo cusub oo lagu doonayo in lagu soo afjaro dagaalka u dhexeeya Maraykanka, Israa’iil iyo Iran.

Xiisad aad u sarreysa ayaa ka taagan marinka istiraatiijiga ah ee Hormuz, kaddib markii Iiraan ay si cad u shaacisay inaysan dib u furi doonin marin-biyoodkaasi ilaa Maraykanku uu joojiyoo xannibaadda saaran dekedaheeda.

Warbaahinta Mareykanka ayaa si isa soo taraysa u soo bandhigaysa warar ku saabsan dhacdooyin isdaba joog ah oo ku saabsan saynisyahanno iyo saraakiil ciidan oo ka shaqeynayay barnaamijyo aad u xasaasi ah, kuwaas oo la dilay ama si qarsoodi ah loo waayay tan iyo bartamihii sanadkii 2023.

Madaxweynaha Mareykanka Donald Trump ayaa sheegay in wada-hadallada u dhexeeya Washington iyo Tehran ay weli socdaan, isagoo xusay in horumar muuqda laga sameynayo dadaallada lagu doonayo in lagu dejiyo xiisadda taagan.

Xiisadda ka taagan marin-biyoodka muhiimka  Hormuz ayaa sii xoogeysanaysa, kaddib markii markab labaad oo shidaal qaada uu galay gacanka, xilli ay jirto xannibaad uu Mareykanku ku soo rogay maraakiibta la macaamila dekedaha Iiraan.

Iiraan ayaa sii wadda dhoofinta shidaalka xilli ay sii xoogeysanayaan xiisadaha gobolka iyo cadaadiska caalamiga ah, islamarkaana maamulka Trump uu isku dayayo inuu go’doomiyo dekedaha dalkaas.

Ra’iisul Wasaaraha Israa’iil Benjamin Netanyahu ayaa wajahaya cadaadis siyaasadeed oo sii kordhaya, kadib markii uu ku guuldareystay inuu guul siyaasadeed ka dhaliyo dagaalka ay Israa’iil oo garabsanaysa Mareykanku la gashay Iiraan, inkastoo ay ka soo wareegtay in ka badan lix toddobaad tan iyo markii uu dagaalku billowday.

Ilo-wareedyo kala duwan ayaa sheegaya in wafdiyo ka kala socda Maraykanka iyo Iiraan ay suuragal tahay inay toddobaadkan dib ugu laabtaan magaalada Islamabad si ay u sii wadaan wada-hadallada lagu doonayo in lagu soo afjaro colaadda ka taagan gobolka Bariga Dhexe.