Wararka Caalamka

Mareykanka ayaa sare u qaaday dadaallada lagu doonayo in lagu dejiyo xiisadda Bariga Dhexe, kaddib markii Madaxweyne Donald Trump uu digniin culus u diray Ra’iisul Wasaaraha Israa’iil Benjamin Netanyahu, isaga oo uga digay inuu dib u bilaabo dagaal ka dhan ah Iiraan.

Warbaahinta Israa’iil ayaa sheegtay in Ra’iisul Wasaaraha Israa’iil, Benjamin Netanyahu, uu aqbalay codsi uga yimid Madaxweynaha Mareykanka Donald Trump oo ahaa in Israa’iil aysan si degdeg ah uga jawaabin weerarkii gantaallada ee ay Iiraan ku qaaday waqooyiga Israa’iil.

Wararka ugu dambeeyay ee ka imaanaya dalka Lubnaan ayaa sheegaya in duqeyn ay Israa’iil ka geysatay koonfurta Lubnaan lagu dilay Janaraal Wissam Sabra oo ahaa sarkaal sare oo ka tirsan ciidamada Lubnaan, iyo laba askari oo kale.

Maxkamadda Sare ee Kenya ayaa dowladda ku amartay inay si rasmi ah u shaaciso faahfaahinta mashruuc muran badan dhaliyay oo lagu dhisayo xarun karantiil iyo daaweyn Ebola ah, taas oo la sheegay inay taageerayso dowladda Mareykanka.

Wasaaradda Arrimaha Dibadda ee Kuwait ayaa sheegtay in weerar subaxnimadii maanta lala beegsaday Garoonka Diyaaradaha Caalamiga ah ee Kuwait uu sababay dhimashada hal qof iyo dhaawaca dhowr kale, iyadoo sidoo kale la xaqiijiyay inay waxyeello soo gaartay xarumo muhiim ah iyo qaar ka mid ah xarumaha diblomaasiyadeed.

Dowladda Kuwait ayaa hawlgelisay nidaamyadeeda difaaca cirka kadib weerar gantaallo iyo diyaarado aan duuliye lahayn loo adeegsaday, kaas oo Wasaaradda Arrimaha Dibadda Kuwait ku tilmaantay weerar fool xun oo Iiraan ay geysatay.

Hay’adda Qaranka ee Dadka La Waayay ee Suuriya ayaa xaqiijisay geerida lix carruur ah oo sanadkii 2013 lagu waayay xabsiyada nidaamkii hore ee Bashaar Al-Asad, kadib baaritaanno dheer iyo falanqayn lagu sameeyay xog iyo caddeymo kala duwan.

Taliska ciidanka ilaalada kacaanka dalka Iiraan, gaar ahaan xarunta dhexe ee “Khatam al-Anbiya”, ayaa ku dhawaaqay go’aan cusub oo saameyn weyn ku yeelanaya isku-socodka maraakiibta caalamiga ah, kaasi oo dhigaya in dhammaan maraakiibta doonaya inay ka gudbaan ama ka soo baxaan marin-biyoodka muhiimka ah ee Hormuz ay ku qasban yihiin inay helaan oggolaansho iyo diiwaangalin rasmi ah oo ka timid dhanka Iiraan.

Baraha bulshada dalka Bangladesh waxaa qabsatay hadal-haynta dibi si weyn loogu barbardhigay Madaxweynaha Mareykanka Donald Trump, kaas oo laga badbaadiyay in la qalo munaasabadda Ciidul Adxaa.

Masiibo xooggan ayaa ka dhacday ismaamulka Nakuru ee dalka Kenya, ka dib markii ugu yaraan 16 arday ay ku dhintaan, halka 74 kale ay ku dhaawacmeen dab weyn oo xalay saqdii dhexe qabsaday dhismaha jiifka ee dugsiga sare ee gabdhaha ee Utumishi Girls Academy oo ku yaalla magaalada Gilgil.